ଡେରାଡୁନ୍, ୧୦।୬: ଉତ୍ତରାଖଣ୍ଡ ହିଲ୍ ଷ୍ଟେଶନ୍ ଓଲିରେ ଗୁପ୍ତା ବଦର୍ସଙ୍କ ପୁଅ ବିବାହ ମହାଆଡମ୍ବରରେ ଆୟୋଜିତ ହେଉଛି। ଏହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି। ଏଥିରେ ୨ ଶହ କୋଟି ଟଙ୍କା ଖର୍ଚ୍ଚ ହେବ। ଅତିଥିଙ୍କୁ ଦିଲ୍ଲୀରୁ ନେବା ଆଣିବାରେ ୨ ଶହ ହେଲିକପ୍ଟର ନିୟୋଜିତ ହେବ ବୋଲି କୁହାଯାଉଛି। ଓଲିରେ ଥିବା ସମସ୍ତ ହୋଟେଲ ଏବଂ ରେଷ୍ଟୁରାଣ୍ଟକୁ ଏହି ରାଜକୀୟ ବିବାହ ପାଇଁ ବୁକ୍ କରାଯାଇଛି। ସାଜସଜ୍ଜା ପାଇଁ ୫ କୋଟିର ଫୁଲ ସୁଇଜରଲାଣ୍ଡ୍ ଅଣାଯିବାର ଯୋଜନା ରହିଛି। ବିବାହ ପାଇଁ ଶହେ ଜଣ ପଣ୍ଡିତଙ୍କୁ ବୁକ୍ କରାଯାଇଛି। ଅତିଥିଙ୍କୁ ନିମନ୍ତ୍ରଣ ଲାଗି କରାଯାଇଥିବା କାର୍ଡରେ ସାଢ଼େ ୪ କିଗ୍ରା ରୂପା ବ୍ୟବହୃତ ହୋଇଛି। ଅତିଥିଙ୍କ ପାଇଁ ୪ ଶହ ପ୍ରକାର ଖାଦ୍ୟର ଆୟୋଜନ କରାଯାଇଥିବା କୁହାଯାଉଛି। ୩ ଭାଇ ଅଜୟ ଗୁପ୍ତା, ଅତୁଲ ଗୁପ୍ତା ଏବଂ ରାଜେଶ ଗୁପ୍ତାଙ୍କ ଦ୍ୱାରା ଗୁପ୍ତା ବଦର୍ସ କମ୍ପାନୀ ଗଠିତ ହୋଇଛି। ଦକ୍ଷିଣ ଆଫ୍ରିକାରେ ୩ ଭାଇଙ୍କର ବିଶାଳ ବ୍ୟବସାୟ ସାମ୍ରାଜ୍ୟ ରହିଛି। ଅଜୟ ଗୁପ୍ତାଙ୍କ ପୁଅ ସୂର୍ଯ୍ୟକାନ୍ତଙ୍କ ବିବାହ ଜୁନ୍ ୧୮-୨୦ ମଧ୍ୟରେ ଅନୁଷ୍ଠିତ ହେବ। ସେହିପରି ଅତୁଲ ଗୁପ୍ତାଙ୍କ ପୁଅ ଶଶାଙ୍କଙ୍କ ବିବାହ ଜୁନ୍ ୨୦-୨୨ ମଧ୍ୟରେ ଅନୁଷ୍ଠିତ ହେବ।
