କୋଲକାତା,୮।୬(ପି.ଟି.): ଆସନ୍ତା ୧୫ ତାରଖରୁ ଦେଶର ଜଣାଶୁଣା ଫୁଟବଲ କ୍ଲବ ମୋହନ ବାଗାନ ଦ୍ୱିତୀୟ ଥର ପାଇଁ ଖେଳାଳି ଓ ପ୍ରଶଂସକଙ୍କ ପାଇଁ କ୍ଲବ ଟେଣ୍ଟ ଖେଳିବ। ସରକାରଙ୍କ ନିର୍ଦ୍ଦେଶନାମା ଅନୁସାରେ ଲକ୍ଡାଉନ୍ରେ ମିଳିଥିବା ସୁବିଧା ଅନୁସାରେ ଟେଣ୍ଟ ଖେଳାଯିବ ବୋଲି କ୍ଲବ ତରଫରୁ କୁହାଯାଇଛି। ଇଣ୍ଡିଆନ ସୁପର ଲିଗ୍ (ଆଇଏସ୍ଏଲ୍) ଚାମ୍ପିୟନ ଏଟିକେ ସହିତ ଆଇଲିଗ୍ ଚାମ୍ପିୟନ ମୋହନ ବାଗାନର ବିଲୟ ହୋଇଛି। ଫଳରେ ମୋହନ ବାଗାନର ଜର୍ସି ଓ ଅନ୍ୟାନ୍ୟ ଜିନିଷ କିପରି ହେବ ସେ ନେଇ ଚର୍ଚ୍ଚା ଚାଲିଛି। ତେବେ ଚାମ୍ପିୟନଶିପ୍ ସହିତ ଜଡିତ ଥିବା ଜର୍ସି ଓ ଅନ୍ୟ ଜିନିଷ ସବୁ ୧୬ ତାରିଖରୁ ଟେଷ୍ଟରେ ବିକ୍ରି ହେବ ବୋଲି କ୍ଲବ ତରଫରୁ ଟୁଇଟ୍ କରି କୁହାଯାଇଛି। ନୂଆ ଟିମ୍ ଏଟିକେ- ମୋହନ ବାଗାନ ଜୁନ ୧ ତାରିଖରେ ଲଞ୍ଚ୍ ହେବାର ଥିଲା। ତେବେ ପରିସ୍ଥିତିକୁ ଦୃଷ୍ଟିରେ ରଖି ବୋର୍ଡ ବୈଠକକୁ ଘୁଞ୍ଚାଇ ଦିଆଯାଇଥିଲା। ନୂଆ ଦଳର ଲୋଗୋ, ଜର୍ସି ଓ ନାମ ଆନୁଷ୍ଠାନିକ ଭାବେ ଘୋଷଣା କରାଯାଇ ନ ଥିବାରୁ ଏପରି ନିଷ୍ପତ୍ତି ନେବାକୁ ହେଲା ବୋଲି କୁହାଯାଇଛି।
