ମାଲକାନଗିରି,୧୩।୧୨(ଡି.ଏନ୍.ଏ.) : ମାଲକାନଗିରି ଜିଲା ସଦର ଥାନା ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ପ୍ରାୟ ୧୫ ଲକ୍ଷ ଟଙ୍କାର ବେଆଇନ ଗୁଟୁଖା ଜବତ କରାଯାଇଛି। ଏହି ଘଟଣାରେ ୮ ଜଣଙ୍କୁ ଗିରଫ କରାଯାଇଛି। ସେମାନେ ହେଲେ ବିଷ୍ଣୁ ବେହେରା, ଟି. ସତ୍ୟାନାରାୟଣ ସୁବୁଧି, ପି. ବାଲା, ଦେବରାଜ କୁମାର ତ୍ରିପାଠୀ, ପ୍ରେମେନ୍ଦ୍ର ପ୍ରଧାନ, ସନ୍ତୋଷ ମହାକୁଡ, କେ. ତିରୁମଲା ପୃଷ୍ଟି, ସୁଶାନ୍ତ ପ୍ରଧାନ। ପୋଲିସ ଗିରଫ କରି ରବିବାର ସେମାନଙ୍କୁ କୋର୍ଟଚାଲାଣ କରିଛନ୍ତି। ଏକ ସ୍ବତନ୍ତ୍ର ସୂଚନା ପାଇଁ ଶନିବାର ମାଲକାନଗିରିର ପୋଲିସ ଟିମ୍ ଏସ୍.ଡିପି.ଓ ପ୍ରହଲ୍ଲାଦ ସାଇମିନାଙ୍କ ନେତୃତ୍ୱରେ ଏକ ଅଟୋରେ ବେଆଇନ ଭାବେ ଲକ୍ଷାଧିକ ଟଙ୍କାର ଗୁଟୁଖା କାଲିମେଳା ଯାଉଥିବା ସମୟରେ ଧରି ଜେରା କରିବା ପରେ ତାଙ୍କ ନିକଟରୁ କୌଣସି ବିଲ୍ କିମ୍ବା ବୈଧ ରସିଦ ନଥିଲାା ତେବେ ପରେ ଅଧିକ ତଦନ୍ତ ପରେ ଜିଲାରେ ଲକ୍ଷାଧିକ ଟଙ୍କାର ଗୁଟୁଖା ବେଆଇନ ବାବେ ବିକ୍ରି ହେଉଥିବା ଜାଣିବା ପରେ ଗତକାଲି ବିଳମ୍ବିତ ରାତିରେ ବିଭିନ୍ନ ସ୍ଥାନରେ ଚଢ଼ାଉ ହୋଇଥିଲା।
