ବିଶ୍ୱରେ ଅନେକଥର ଏପରି କିଛି ଘଟଣା ଘଟିଛି, ଯାହାକୁ ବିଶ୍ୱାସ କରିବା କେବେ ସହଜ ନୁହେଁ। ୨୦୧୬ ମସିହାରେ ଠିକ୍ ଏମିତି ଏକ ଘଟଣା ଘଟିଥିଲା। ପ୍ୟାରିସ୍ର ଅତ୍ୟାଧୁନିକ ଏୟାରପୋର୍ଟରୁ ମିଶରର କାଇରୋ ସହରକୁ ଏକ ଏୟାରବସ୍-୩୨୦ ପ୍ରାୟ ୬୦ ଯାତ୍ରୀଙ୍କୁ ନେଇ ଯିବା ସମୟରେ ହଠାତ୍ ଆକାଶରୁ ଅଦୃଶ୍ୟ ହୋଇଯାଇଥିଲା। ଏହି ରହସ୍ୟମୟ ଘଟଣା ଘଟିବାର ଅନେକ ଦିନ ବିତିଗଲାଣି, କିନ୍ତୁ ଏପର୍ଯ୍ୟନ୍ତ ଏ ସମ୍ପର୍କରେ କୌଣସି ସନ୍ଧାନ ମିଳିନାହିଁ। ଇଜିପ୍ଟ ଏୟାରଲାଇନ୍ସର ଏହି ଯାତ୍ରୀବାହୀ ବିମାନଟି ପ୍ୟାରିସରୁ ୧୮ ମେ’ ୨୦୧୬ରେ ଇଜିପ୍ଟର କାଇରୋ ସହର ଅଭିମୁଖେ ଉଡ଼ିଥିଲା। ଏହି ଚାରି ଘଣ୍ଟିଆ ବିମାନଟି ୩ ଘଣ୍ଟା ୪୦ମିନିଟର ଯାତ୍ରା ସମାପ୍ତ କରିଥିଲା। ଲ୍ୟାଣ୍ଡ୍ କରିବାକୁ ମାତ୍ର ୨୦ ମିନିଟ୍ ବାକିଥିଲା। କିନ୍ତୁ ହଠାତ୍ ଏହି ବିମାନ ଟ୍ରାଫିକ୍ କେନ୍ଦ୍ର ସହିତ ସମ୍ପର୍କ ହରାଇଲା। ଯଦିଓ ଏହାର ନିଖୋଜ ବିଷୟରେ ଅନେକ ଘଟଣା ଘଟିଥିଲା କିନ୍ତୁ ବିମାନ ସମ୍ପର୍କରେ କିଛି ଜଣା ପଡ଼ି ନ ଥିଲା।
ପ୍ରଥମେ ଅନୁମାନ କରାଯାଉଥିଲା ଯେ, ବିମାନଟି ହୁଏତ ଆତଙ୍କବାଦୀଙ୍କ ଦ୍ୱାରା ଅପହରଣ ହୋଇଥାଇପାରେ। କିନ୍ତୁ ପରେ ସେପରି କୌଣସି ଖବର ମିଳିଲା ନାହିଁ। ଏହା ପରେ ପୁଣି ଅନୁମାନ କରାଯାଉଥିଲା, ବିମାନଟି କୌଣସି ସ୍ଥାନରେ ଦୁର୍ଘଟଣାଗ୍ରସ୍ତ ହୋଇଥାଇପାରେ। ଏହି ବିଷୟରେ ପୁନର୍ବାର ଏକ ସର୍ଚ୍ଚ ଅପରେଶନ ଆରମ୍ଭ ହୋଇଥିଲା। ଅନେକ ଦେଶରେ ଖୋଜାଖୋଜି କରାଯାଇଥିଲେ ମଧ୍ୟ ଏ ସମ୍ପର୍କରେ କୌଣସି ଆଜି ପର୍ଯ୍ୟନ୍ତ କୌଣସି ସନ୍ଧାନ ମିଳିପାରିନାହିଁ।
