ପାଟନା, ୧୦।୬: ମଣିଷ ପ୍ରାଣୀଙ୍କ ମଧ୍ୟରେ ସମ୍ପର୍କ ବେଳେବେଳେ ଅତି ନିବିଡ଼ ହୋଇଯାଏ। ମଣିଷ ସେତେବେଳେ ପ୍ରାଣୀଙ୍କୁ ନିଜର ଅତି ନିଜର ପରିବାର ସଦସ୍ୟ ବୋଲି ଭାବିଥାଏ। ଏଭଳି ଏକ ଘଟଣା ବିହାରରେ ଘଟିଛି। ଏଠାରେ ଜଣେ ମାଲିକ ନିଜର ସମସ୍ତ ସମ୍ପତ୍ତି ୨ ହାତୀ ମୋତି ଏବଂ ରାଣୀଙ୍କ ନାମରେ କରିଦେଇଛନ୍ତି। ପାଟନାର ଫୁଲଓ୍ବାରି ଶରିଫ୍ ନିକଟରେ ଥିବା ଜାନିପୁର ଅଞ୍ଚଳର ୫୦ ବର୍ଷ ବୟସ୍କ ମହମ୍ମଦ ଅକତର ଇମାମ୍ ଏଭଳି କରିଛନ୍ତି। ଏବେ ମୋତିକୁ ୨୦ ବର୍ଷ ହୋଇଥିବାବେଳେ ରାଣୀକୁ ୧୫ ବର୍ଷ। ତାଙ୍କ ମୃତ୍ୟୁ ପରେ ହାତୀ ଦୁଇଟିର ରକ୍ଷାଣବେକ୍ଷଣ ଯେଭଳି ଭଲଭାବେ ହୋଇ ପାରିବ ସେଥିପାଇଁ ଅକତର ଏହା କରିଛନ୍ତି। ସେ ତାଙ୍କର ୬.୨୫ ଏକର ଜମି ହାତୀ ୨ଟିଙ୍କ ନାମରେ କରିଛନ୍ତି। ଅକତର ଏସିଆନ୍ ଏଲିଫାଣ୍ଟ୍ ରିହାବିଲିଟେଶନ ମୁଖ୍ୟ ଭାବେ କାର୍ଯ୍ୟ କରୁଛନ୍ତି। ଏହାସହିତ ବନ୍ୟପ୍ରାଣୀ ଟ୍ରଷ୍ଟ ଏନଜିଓର ମୁଖ୍ୟ ଭାବେ ସେ କାର୍ଯ୍ୟ ଜାରି ରଖିଛନ୍ତି।
