ଲଣ୍ଡନ,୧୮।୬: ଇଂଲଣ୍ଡ ଭିତ୍ତିକ ଦି ହଂକଂ ଆଣ୍ଡ ସାଂଘାଇ ବ୍ୟାଙ୍କିଙ୍ଗ୍ କର୍ପୋରେଶନ (ଏଚ୍ଏସ୍ବିସି) ମଧ୍ୟବର୍ତ୍ତୀ କାଳୀନ ସମୟ ପାଇଁ ତା’ର ପ୍ରାୟ ୩୫ହଜାରରୁ ଉର୍ଦ୍ଧ୍ୱ କର୍ମଚାରୀଙ୍କୁ ଛଟେଇ କରିବ ବୋଲି ଜଣାପଡିଛି। ବୁଧବାର ରଏଟର୍ସକୁ ବ୍ୟାଙ୍କ ଏ ନେଇ ସୂଚନା ଦେଇଛି। ସାରା ବିଶ୍ୱରେ ଏଚ୍ଏସ୍ବିସିର ମୋଟ ୨.୩୫ ଲକ୍ଷ କର୍ମଚାରୀ କାମ କରୁଥିବା ଏହାର ମୁଖପାତ୍ର ସୂଚନା ଦେଇଛନ୍ତି । କୋଭିଡ୍-୧୯ ସଂକ୍ରମଣ କାରଣରୁ ବ୍ୟାଙ୍କ ବିଭିନ୍ନ ସମସ୍ୟା ଦେଇ ଗତି କରୁଛି ବୋଲି ସିଇଓ ନୋଏଲ କ୍ୟୁନୀ କହିଛନ୍ତି । ସେ ଆହୁରି କହିଛନ୍ତି ଯେ, ବର୍ତ୍ତମାନ ନୂତନ ନିଯୁକ୍ତି ନେଇ କୌଣସି ନିଷ୍ପତ୍ତି ହୋଇ ନାହିଁ। ବ୍ୟାଙ୍କ ଆର୍ଥିକ ମାନ୍ଦାବସ୍ଥା ଦେଇ ଗତି କରୁଥିବା ବେଳେ ସ୍ଥିତିରେ ସୁଧାର ଆଣିବା ଚ୍ୟାଲେଞ୍ଜିଂ ହୋଇଛି। ପ୍ରତିବର୍ଷ ବ୍ୟାଙ୍କରୁ ପ୍ରାୟ ୨୫ହଜାର କର୍ମଚାରୀଙ୍କ ନିଯୁକ୍ତି କାଟ କରିଥାଏ। ହେଲେ ଚଳିତ ବର୍ଷ ହ୍ରାସ ହେଉଥିବା ନିଯୁକ୍ତି ଆଉ ପୂରଣ କରାଯିବ ନାହିଁ ବୋଲି ସିଇଓ ସୂଚନା ଦେଇଛନ୍ତି।
