୩ ଲଜ୍‌ରେ ଅନୈତିକ କାର୍ଯ୍ୟ: ଧରାପଡ଼ିଥିବା ୧୬ ଯୁବକ ଗିରଫ

ବାରିପଦା ଅଫିସ,୨୨।୧୨- ମୟୂରଭଞ୍ଜ ଜିଲା ବାରିପଦା ସହର ଜନଗହଳିପୂର୍ଣ୍ଣ ବଗୁଳି ମାର୍କେଟରେ ଥିବା ୩ଟି ଲଜ୍‌ରେ ଦେହ ବେପାର ଭଳି ଅନୈତିକ କାର୍ଯ୍ୟ ଚାଲିଥିବା ସନ୍ଦେହରେ ସ୍ଥାନୀୟ ଟାଉନ ଥାନା ପୋଲିସ ଶନିବାର ଚଢ଼ାଉ କରିଥିଲା। ସେଠାରୁ ଧରାପଡିଥିବା ୩୨ ଯୁବତୀଯୁବକଙ୍କ ସମେତ ହୋଟେଲ ମ୍ୟାନେଜର ଓ କର୍ମଚାରୀଙ୍କୁ ପଚରାଉଚୁରା ପରେ ଏକ ବଡଧରଣ ଅନୈତିକ କାର୍ଯ୍ୟର ପର୍ଦ୍ଦାଫାଶ ହୋଇଛି। ଏହି ଘଟଣାରେ ପୋଲିସ ଇମୋରାଲ ଟ୍ରାଫିକ ପ୍ରିଭେନସନ ଆକ୍ଟ – ୧୯୫୬ (ୟୁ /ଏସ-୩, ୪,୫, ୬, ୭)ରେ ୩ଟି ମାମଲା (ନଂ.୪୧୧/୪୧୨/୪୧୩/୧୯)ରୁଜୁ କରି ୧୫ ଯୁବକଙ୍କ ସମେତ ୩ ହୋଟେଲର ୪ ମ୍ୟାନେଜରଙ୍କୁ ମିଶାଇ ୧୯ଜଣଙ୍କୁ ଗିରଫ କରିଛି। ୩ ଲଜ୍‌ରୁ ଉଦ୍ଧାର ୧୫ ଯୁବତୀଙ୍କୁ ସ୍ବଧାର ଗୃହକୁ ପଠାଯାଇଛି। ଶାନ୍ତି ଲଜ୍‌ର ମ୍ୟାନେଜର ଶ୍ୟାମସୁନ୍ଦର ସେଠୀ, କ୍ରିଷ୍ଣା ଲଜ୍‌ର ମ୍ୟାନେଜର ଗଗନ ବିହାରୀ ବେହେରା, ଶ୍ରୀକ୍ରିଷ୍ଣା ଲଜ୍‌ର ମ୍ୟାନେଜର ପଙ୍କଜ କୁମାର ନାୟକ ଓ ସତ୍ୟଜିତ ମାରାଣ୍ଡିିଙ୍କୁ ଗିରଫ କରାଯାଇଛି। ଗିରଫ ଯୁବକଙ୍କ ସମେତ ସମ୍ପୃକ୍ତ ଯୁବତୀଙ୍କୁ ଡାକ୍ତରୀ ମାଇନା କରାଯାଇଛି।
ବାରିପଦା ସଦର ଏସ୍‌ଡିପିଓ କେ.କେ. ହରିପ୍ରସାଦ ଗଣମାଧ୍ୟମକୁ ଏହି ସୂଚନା ଦେଇ କହିଛନ୍ତି, ଏସବୁ ହୋଟେଲରେ ଦେହ ବ୍ୟବସାୟ ଚାଲିଥିବା ସୂଚନାକୁ ଆଧାରକରି ତଦନ୍ତ କରାଯିବା ବେଳେ ଶନିବାର ସେଠାରେ ବହୁସଂଖ୍ୟକ ଯୁବତୀଯୁବକ ଥିବା ସୂଚନା ମିଳିଥିଲା। ଏସବୁ ଲଜ୍‌ରେ ତତ୍‌କ୍ଷଣାତ ଚଢାଉ କରିବା ସକାଶେ ୩ଟି ପୋଲିସ ଟିମ୍‌ ଗଢାଯାଇ ଅପରାହ୍ନରେ ଏକକାଳୀନ ଚଢ଼ାଉ କରାଯାଇଥିଲା। ଅପରାହ୍ନ ୩ଟା ସୁଦ୍ଧା ଚଢ଼ାଉ ସରିଥିଲା। ଦେଢ଼ଘଣ୍ଟା ଧରି ପୋଲିସ ହୋଟେଲର ସମସ୍ତ କୋଠରିକୁ ତନ୍ନ ତନ୍ନ କରି ଯାଞ୍ଚ କରି ୩ ଲଜ୍‌ର ବିଭିନ୍ନ ରୁମ୍‌ରେ ଥିବା ଏହି ଯୁବତୀଯୁବକଙ୍କୁ ଉଦ୍ଧାର କରିଥିଲା। ଯୁବତୀ ଯୁବକଙ୍କ ସମେତ ଲଜ୍‌ ମ୍ୟାନେଜରଙ୍କୁ ଗାଡିରେ ପୋଲିସ ଥାନାକୁ ଆଣି ପଚରାଉଚୁରା କରିବା ପରେ ସେଠାରେ ଅନୈତିକ କାର୍ଯ୍ୟ ଚାଲିଥିବା ଜଣାପଡିଥିବା ନେଇ ପୋଲିସ ପକ୍ଷରୁ ଏକ ପ୍ରେସ୍‌ ବିଜ୍ଞପ୍ତିରେ ସୂଚନା ଦିଆଯାଇଛି। ଏହି ୩ ଲଜ୍‌ ମଧ୍ୟରୁ ଶାନ୍ତି ଲଜ୍‌ରୁ ୨ ଯୁବତୀ, ୨ ଯୁବକ, କ୍ରିଷ୍ଣା ଲଜ୍‌ର ୁ୮ ଯୁବତୀ, ୮ ଯୁବକ ଓ ଶ୍ରୀକ୍ରିଷ୍ଣା ଲଜରୁ ୬ ଯୁବତୀ ଓ ୬ ଯୁବକ ଉଦ୍ଧାର ହୋଇଥିବା ପୋଲିସ କହିଛି। ଏହି ଚଢାଉରେ ବାରିପଦା ଟାଉନ ଥାନା ଅଧିକାରୀ ଅଶୋକ କୁମାର ନାୟକ ଓ ସବ୍‌ ଇନ୍ସପେକ୍ଟର ରୀତାରାଣୀ ବେହେରା ପ୍ରମୁଖ ସାମିଲ ଥିଲେ।
ପୋଲିସ କେମିତି ସନ୍ଦେହ କଲା…
ଗତ କିଛିଦିନ ତଳେ ବାରିପଦା ଟାଉନ ଥାନାରେ ଜଣେ କଲେଜ ଛାତ୍ରୀ ନିଖୋଜ ହୋଇଥିବା ନେଇ ଅଭିଯୋଗ ହୋଇଥିଲା। ଏହି ଅଭିଯୋଗକୁ ଭିତ୍ତିକରି ପୋଲିସ ତଦନ୍ତ କରିବା ବେଳେ ବଗୁଳି ମାର୍କେଟସ୍ଥିତ ଏକ ହୋଟେଲରେ ଉକ୍ତ କଲେଜ ଛାତ୍ରୀ ଜଣେ ବନ୍ଧୁଙ୍କ ସହ ଯାଇ ରହିଥିବା ଜଣାପଡିଥିଲା। ଏ ନେଇ ପୋଲିସ ହୋଟେଲର ଜଣେ କର୍ମଚାରୀଙ୍କୁ ଗତ ଗୁରୁବାର ରାତିରେ ଥାନାକୁ ଆଣି ଅଟକ ରଖି ପଚରାଉଚୁରା କରି ଶୁକ୍ରବାର ରାତିରେ ଛାଡି ଦେଇଥିଲା। ଉକ୍ତ କଲେଜ ଛାତ୍ରୀ ଓ ତାଙ୍କ ପୁରୁଷ ବନ୍ଧୁଙ୍କୁ ପୋଲିସ ଶୁକ୍ରବାର ଠାବ କରିବା ପରେ ସେମାନଙ୍କୁ ପଚରାଉଚୁରା କରି ହୋଟେଲ ସମ୍ପର୍କରେ ତଥ୍ୟ ନେଇଥିଲା। ଜଣେ ଯୁବତୀ ଓ ଯୁବକଙ୍କୁ ହୋଟେଲରେ କିଭଳି ରହିବାକୁ ଦିଆଯାଇଥିଲା ସେ ନେଇ ପୋଲିସ ତଦନ୍ତ ଆରମ୍ଭ କରି ଶନିବାର ଚଢ଼ାଉ କରିଥିବା କୁହାଯାଉଛି। ଉଲେଖନୀୟ ଯେ, ଏଥିପୂର୍ବରୁ ୨୦୧୭ ନଭେମ୍ବରରେ ବାରିପଦା ସହରର ଜଣେ କଲେଜ ଛାତ୍ରୀଙ୍କ ଅଶ୍ଳୀଳ ଫଟୋକୁ ତାଙ୍କର ଜଣେ ସହପାଠୀ ଛାତ୍ର ସୋସିଆଲ ମିଡିଆରେ ଭାଇରାଲ କରିଥିଲେ। ପୋଲିସ ଏହାର ତଦନ୍ତ କରିବା ବେଳେ ଏକ ହୋଟେଲ କୋଠରିରେ ଫଟୋ ଉଠାଯାଇଥିବା ଜଣାପଡିଥିଲା। ସେତେବେଳେ କେବଳ ସମ୍ପୃକ୍ତ କଲେଜ ଛାତ୍ରଙ୍କୁ ଗିରଫ କରାଯାଇଥିଲେ ବି ହୋଟେଲ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନ ଥିଲା।


Enter your email to get our daily news in your inbox.

All Right Reserved By Dharitri.Com

ମୋରଡ଼ା ଅଞ୍ଚଳରେ ବଢୁଛି ଚୋରି-ରାହାଜାନି, ମାମଲା ରୁଜୁ କରି ହାତବାନ୍ଧି ବସୁଛି ପୋଲିସ

ମୋରଡ଼ା,୨୩ା୯(ସ୍ମାରକ ମାଜୀ):  ଲୁଟେରାଙ୍କ ଉପଦ୍ରବରେ ତ୍ରାହିତ୍ରାହି ଡାକିଲେଣି ମୟୂରଭଞ୍ଜ ଜିଲା ମୋରଡ଼ା ଥାନା ଅଞ୍ଚଳବାସୀ। ପୋଲିସ କାଁ ଭାଁ ମାମଲା ରୁଜୁ କରି ଚୁପ୍‌ ହୋଇ...

ସ୍ବଧର୍ମକୁ ଫେରିଲେ ଗୋଟିଏ ପରିବାରର ୩ ସଦସ୍ୟ

ଠାକୁରମୁଣ୍ଡା,୨୧।୯(ତାରାକାନ୍ତ ପଟ୍ଟନାୟକ): ମୟୂରଭଞ୍ଜ ଜିଲା ଠାକୁରମୁଣ୍ଡା ବ୍ଲକର ସାତକୋଶିଆ ପଞ୍ଚାୟତ ଅଧୀନ ଜାମୁନଣ୍ଡା ଗ୍ରାମରେ ଖ୍ରୀଷ୍ଟଧର୍ମ ଗ୍ରହଣ କରିଥିବା ଗୋଟିଏ ପରିବାରର ୩ ସଦସ୍ୟ ଶନିବାର...

ଝାଡ଼ାବାନ୍ତିରେ ୩ ମୃତ, ୩୦ରୁ ଊର୍ଦ୍ଧ୍ୱ ହସ୍ପିଟାଲରେ ଭର୍ତ୍ତି 

ବାରିପଦା,୨୦ା୯(ନୀଳାଦ୍ରି ବିହାରୀ ଦଣ୍ଡପାଟ): ମୟୂରଭଞ୍ଜ ଜିଲା ବଡ଼ସାହି ଥାନା ଅଧୀନ ଗୁଡ଼ିଆଲବନ୍ଧ ପଞ୍ଚାୟତ ଆଲବନ୍ଧ ଗ୍ରାମ ବାଥୁଡ଼ିସାହିରେ ଝାଡ଼ାବାନ୍ତି ଜନିତ ରୋଗରେ ୩ ଜଣଙ୍କର ମୃତ୍ୟୁ...

ପୁଣି ମିଳିଲା ହାତୀର ମୃତ ଦେହ : ଶିମିଳିପାଳରେ…

ବାରିପଦା,୨୦।୯(ନୀଳାଦ୍ରି ବିହାରୀ ଦଣ୍ଡପାଟ): ମୟୂରଭଞ୍ଜ ଜିଲା ଶିମିଳିପାଳ ଅଭୟାରଣ୍ୟ ବ୍ୟାଘ୍ର ସଂରକ୍ଷଣ ପ୍ରକଳ୍ପ ଉତ୍ତର ଡିଭିଜନ ତାଳବନ୍ଧ ରେଞ୍ଜ ବାଲିଆଢିପା ଜଙ୍ଗଲରେ ଏକ ହାତୀର ମୃତ...

ହଇଜାରେ ଚାଲିଗଲା ୨ ଜୀବନ, ୩୦ରୁ ଊର୍ଦ୍ଧ୍ୱ ଡାକ୍ତରଖାନାରେ ଭର୍ତ୍ତି

ବାରିପଦା,୨୦ା୯(ନୀଳାଦ୍ରି ବିହାରୀ ଦଣ୍ଡପାଟ): ମୟୂରଭଞ୍ଜ ଜିଲା ବଡ଼ସାହି ଥାନା ଗୁଡିଆଲବନ୍ଧ ପଞ୍ଚାୟତ ଆଲବନ୍ଧ ଗ୍ରାମ ବାଥୁଡ଼ିସାହିରେ ହଇଜା ଆକ୍ରମଣରେ ଦୁଇ ଜଣଙ୍କ ମୃତ୍ୟୁ ଘଟିଛି। ଏକ...

ରାତିରେ ମିଳିଲାନି ଚିକିତ୍ସା: ମା’ କୋଳରେ ଚାଲିଗଲା ଶିଶୁର ଜୀବନ 

ଉଦଳା,୧୯ା୯(ସନ୍ତୋଷ କୁମାର ବାଛିନୀ): ରାତି ଅଧରେ ମିଳିଲାନି ଚିକିତ୍ସା ସୁବିଧା। ଗୁରୁତର ଥିବା ୫ ମାସର ଶିଶୁକୁ ମେଡିକାଲରେ ଡାକ୍ତର ଦେଖିବା ପରେ ଓ୍ବାର୍ଡକୁ ପଠାଇ...

ଅଘଟଣ: ବିଶ୍ବକର୍ମା ମୂର୍ତ୍ତି ବିସର୍ଜନ ବେଳେ ବୁଡ଼ିଗଲେ ୨ ଛାତ୍ର

ବାରିପଦା,୧୭।୯(ନୀଳାଦ୍ରି ବିହାରୀ ଦଣ୍ଡପାଟ): ମୟୂରଭଞ୍ଜ ଜିଲା ବାରିପଦା ସହର ଉପକଣ୍ଠ ସଦର ଥାନା ଅଧୀନ କାଠପାଳ ବନ୍ଧରେ ବୁଡି ୨ଜଣ ଯୁକ୍ତ ଦୁଇ ବିଜ୍ଞାନ ଛାତ୍ର...

ସବୁ ସାରିଦେଲା ଲଘୁଚାପ ବର୍ଷା, ଜଣଙ୍କ କାନ୍ଥ ଭାଙ୍ଗି ଆଉ ଜଣଙ୍କ ଘରେ…

ମୋରଡ଼ା,୧୫ା୯: ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ମୟୂରଭଞ୍ଜ ଜିଲାରେ ଦୁଇଦିନ ହେବ ବର୍ଷା ଲାଗି ରହିଛି। ସେହିପରି ମୋରଡ଼ା ବ୍ଲକରେ ମଧ୍ୟ ବର୍ଷା ଜାରି...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri