ଇସଲାମାବାଦ୍,୨୨।୧: ବିବାହ ନେଇ ପ୍ରତି ଯୁବତୀ ଯୁବକଙ୍କ ମଧ୍ୟରେ ବହୁ ସ୍ବପ୍ନ ଥାଏ। ନିଜ ମନ ପସନ୍ଦର ଜୀବନ ସାଥୀ ପାଇବା ପାଇଁ ସଭିଙ୍କ ମନରେ ଇଛା ରହିଥାଏ। ପାକିସ୍ତାନର ଜଣେ ୪୪୪କିଲୋ ଓଜନ ଯୁବକ ୧୦୦ କିଲୋ ଓଜନର କନିଆ ଖୋଜୁଛନ୍ତି। ଏହି ଯୁବକ ଜଣକ ହେଉଛନ୍ତି ୨୭ ବର୍ଷ ବୟସ୍କ ଅରବାବ୍ ଖବିଜର ହୟାତ୍। ସେ ଇତିମଧ୍ୟରେ ୩୦୦ କନିଆଙ୍କୁ ନା ପସନ୍ଦ କରିସାରିଛନ୍ତି। ଅରବାବ୍ ପସ୍ତୁନଖ୍ବା ଜିଲାର ମରଦାନର ବାସିନ୍ଦା। ଅରବାବ୍ଙ୍କ ଉଚ୍ଚତା ଏବଂ ଓଜନ ଅନୁସାରେ କନିଆ ଖୋଜା ଚାଲିଛି। ଯାହାଦ୍ୱାରା ଯୋଡ଼ା ସୁନ୍ଦର ଦେଖାଯିବ। କନିଆଙ୍କ ଉଚ୍ଚତା ୬ଫୁଟ ୪ ଇଞ୍ଚ ହୋଇଥିବା ଆବଶ୍ୟକ ବୋଲି ଅରବାବ୍ଙ୍କ ପରିବାର ପକ୍ଷରୁ ସର୍ତ୍ତ ରଖାଯାଇଛି। ପ୍ରତିଦିନ ଅରବାବ୍ ଏକ ହଜାର କିଲୋ କ୍ୟାଲୋରୀର ଖାଦ୍ୟ ଖାଇଥାନ୍ତି। ସକାଳ ଜଳଖିଆରେ ସେ ୩୬ଟି ଅଣ୍ଡା ଖାଆନ୍ତି। ଏହା ସହିତ ୪ଟି କୁକୁଡା, ୫ ଲିଟର କ୍ଷୀର ମଧ୍ୟ ତାଙ୍କ ଖାଦ୍ୟରେ ସାମିଲ୍ କରାଯାଇଥାଏ। ସେ ଏକ ଟ୍ରାକ୍ଟରକୁ ହାତରେ ଟାଣି ଚର୍ଚ୍ଚାକୁ ଆସିଥିଲେ। ୨୦୧୨ରେ ଜାପାନରେ ସେ ୫ ହଜାର କିଲୋ ଓଜନ ଉଠାଇ ରେକର୍ଡ କରିଥିଲେ।
