![](https://www.dharitri.com/wp-content/uploads/2019/10/arrested-6.gif)
ରଣପୁର,୨୩ ।୧୦(ସ୍ବ.ପ୍ର.)-ଜଙ୍ଗଲରୁ ଜାଳେଣି କାଠ ବିକ୍ରି ପାଇଁ ଲାଞ୍ଚ ନେଉଥିବାବେଳେ ନୟାଗଡ ବନଖଣ୍ଡ ପଞ୍ଚରିଡା ରେଞ୍ଜ ଦର୍ପନାରାୟଣପୁର ଫରେଷ୍ଟର ଆଲୋକ କୁମାର ଗୁରୁ ଓ ୱାଚର ଜିତୁ ମଣ୍ଡଳ ଭୁବନେଶ୍ୱର ଭିଜିଲାନ୍ସ ଦ୍ୱାରା ବୁଧବାର ଗିରଫ ହୋଇଛନ୍ତି। ଉଭୟଙ୍କ ଠାରୁ ୫ ହଜାର ଟଙ୍କା ଜବତ ହୋଇଛ। ଫରେଷ୍ଟରଙ୍କ ଘର ନୟାଗଡ ଜିଲା ଫତେଗଡ ଥାନା ଉଦୟପୁରରେ ବୋଲି ଜଣାପଡିଛି।
ପ୍ରକାଶଯୋଗ୍ୟ, ଫରେଷ୍ଟର ଆଲୋକ କୁମାର ଓ ୱାଚର ଜିତୁ ନିକଟସ୍ଥ ଜଗନ୍ନାଥ ପ୍ରସାଦ ଜଙ୍ଗଲରୁ କାଠ କାଟି ଆଣିବା ପାଇଁ ହେଲେ ରଣପୁର ଥାନା ଖତିଆ ଗାଁର କୁମର ମାଝିଙ୍କୁ ମାସକୁ ୫ ହଜାର ଟଙ୍କା ମାଗିଥିଲେ। ଟଙ୍କା ନ ଦେବାରୁ ଜଙ୍ଗଲରୁ ଜାଳେଣି କାଠ ଆଣିବାରେ ବାଧା ସୃଷ୍ଟି କରିଥିଲେ । ଏଣୁ ଲାଞ୍ଚ ଦେବାକୁ ହଁ କରି କୁମର ଭୁବନେଶ୍ୱର ଭିଜିଲାନ୍ସ ସହ ଯୋଗାଯୋଗ କରିଥିଲେ। ବୁଧବାର ଲାଞ୍ଚ ଦେଉଥିବାବେଳେ ଭିଜିଲାନ୍ସ ଉଭୟଙ୍କୁ କାବୁ କରିଥିଲା। ଭିଜିଲାନ୍ସ ଡିଏସ୍ପି ଅକ୍ଷୟ କୁମାର ମିଶ୍ରଙ୍କ ନେତୃତ୍ୱରେ ୮ଜଣିଆ ଦଳ ଏହ ଚଢ଼ାଉରେ ସାମିଲ ଥିଲେ।