ରାଞ୍ଚି:ଜୀବନର ଅପରାହ୍ନରେ ଯେତେବେଳେ ଶରୀର ସାଥିରେ ମନ ରହିବାକୁ ଚାହେଁନି ଠିକ୍ ସେତିକିବେଳେ ୭୦ ବର୍ଷୀୟ ଜଣେ ଅବସରପ୍ରାପ୍ତ ଶିକ୍ଷକ ବ୍ରଜକିଶୋର ଠାକୁର ୟୁନିଭର୍ସିଟି ଟପ୍ପର ହୋଇଛନ୍ତି। ୧୯୫୦ରେ ଜନ୍ମିତ ଠାକୁର ଲେଖାପଢା ଓ ଶିଖିବାରେ କୌଣସି ବୟସ ନ ଥାଏ ବୋଲି ପ୍ରମାଣ କରିଛନ୍ତି। ରାଞ୍ଚି ୟୁନିଭର୍ସିଟିରୁ ଏବେ ସେ କେବଳ ମାଷ୍ଟର୍ସ ଡିଗ୍ରୀ ହାସଲ କରିନାହାନ୍ତି ବରଂ ୨୦୧୭-୧୯ ବ୍ୟାଚ୍ରେ ୟୁନିଭର୍ସିଟି ଟପ୍ପର୍ ହୋଇଛନ୍ତି। ପରୀକ୍ଷାରେ ସେ ୮୩ ପ୍ରତିଶତ ନମ୍ବର ରଖିଛନ୍ତି। ୩୦ ସେପ୍ଟେମ୍ବରରେ ହେବାକୁ ଥିବା ୟୁନିଭର୍ସିଟିର ଦୀକ୍ଷାନ୍ତ ସମାରୋହରେ ରାଷ୍ଟ୍ରପତି ରାମନାଥ କୋଦିନ୍ଦଙ୍କଠାରୁ ସ୍ବର୍ଣ୍ଣ ପଦକ ଗ୍ରହଣ କରିବେ। ବିହାରର ଖଗଡିଆରେ ରହୁଥବା ଠାକୁର ୧୯୭୭ରେ ଘାଘରା ସରକାରୀ ହାଇସ୍କୁଲରେ ସହକାରୀ ଶିକ୍ଷକ ଭାବେ ଯୋଗ ଦେଇ ୨୦୧୦ରେ ଅବସର ନେଇଛନ୍ତି।
