ନୂଆଦିଲ୍ଲୀ,୧୧।୯: ଚାଇନା ସୀମାରେ ଭାରତ ଅକ୍ଟୋବରରେ ଶକ୍ତି ପ୍ରଦର୍ଶନ କରିବ। ଅରୁଣାଚଳପ୍ରଦେଶରେ ହେବାକୁଥିବା ଏହି ମିଳିତ ସମରାଭ୍ୟାସରେ ଭାରତୀୟ ସେନା ସହିତ ବାୟୁସେନା ସାମିଲ୍ ହେବ। ଏଥିରେ ୧୭ ମାଉଣ୍ଟେନ୍ ଷ୍ଟ୍ରାଇକ୍ କୋର୍ର ୫ ହଜାରରୁ ଅଧିକ ଯବାନ ଯୋଗଦେବେ। ତେଜପୁରସ୍ଥିତ ଉଚ୍ଚା ପାହାଡ଼ରେ ୪ କୋର୍ ପକ୍ଷରୁ ସେନାଙ୍କୁ ମୁତୟନ କରାଯିବ। ଏହାସହିତ ୧୭ ମାଉଣ୍ଟେନ୍ ଷ୍ଟ୍ରାଇକ୍ କୋର୍ର ୨୫ଶହ ବାୟୁସେନା ଏୟାର ଲିଫ୍ଟ କରି ନେଇ ସମରାଭ୍ୟାସ ସ୍ଥଳରେ ପହଞ୍ଚାଇବ। ବାୟୁସେନା ୪ କୋର୍ ଉପରେ ଆକାଶରୁ ଆକ୍ରମଣ କରିବ। ଏଥିରେ ଭାରତୀୟ ବାୟୁସେନାର ସି-୧୭, ସି-୧୩୦ ସୁପର ହରକ୍ୟୁଲେସ୍ ଏବଂ ଏଏନ୍-୩୨ ବିମାନର ବ୍ୟବହାର କରାଯିବ। ଏହି ବିମାନ ପଶ୍ଚିମବଙ୍ଗର ବାଗଡୋଗରା ଘାଟିରୁ ଯବାନଙ୍କୁ ଏୟାର ଲିଫ୍ଟ କରି ସମରାଭ୍ୟାସ ସ୍ଥଳରେ ଛାଡ଼ିବ। ଏହା ସେନା ମୁଖ୍ୟ ବିପିନ ଜେନେରାଲ ବିପିନ୍ ରାଓ୍ବତ ତତ୍ତ୍ୱାବଧାନରେ କରାଯିବ।