ନୂଆଦିଲ୍ଲୀ,୨୮-୯: ଆସନ୍ତା ମାସରେ ବ୍ୟାଙ୍କରେ ଜରୁରୀ କାମ କରିବା ଲାଗି ଯୋଜନା ପ୍ରସ୍ତୁତ କରିବା ପୂର୍ବରୁ ସାମାନ୍ୟ ଭାବିବା ଉଚିତ୍ ହେବ। କାରଣ ଅକ୍ଟୋବରରେ ଦଶହରା, ଦୀପାବଳୀ ଭଳି ବଡ଼ ପର୍ବ ସହ ଅନ୍ୟାନ୍ୟ କାରଣରୁ ୮ ଦିନ ବ୍ୟାଙ୍କ ବନ୍ଦ ରହିବ। ଏହି କାରଣରୁ ବ୍ୟାଙ୍କ ସହ ଜଡିତ ସମସ୍ତ ପ୍ରକାର କାମକୁ ଯଥାଶୀଘ୍ର ସାରି ନେବା ସହ ପର୍ବପର୍ବାଣୀରେ ଖର୍ଚ୍ଚ ପାଇଁ ହାତରେ ଯଥେଷ୍ଟ ଅର୍ଥ ଆଗୁଆ ସଞ୍ଚୟ କରିନେବା ଉଚିତ୍ ହେବ। କାରଣ ଆସନ୍ତା ମାସରେ ବ୍ୟାଙ୍କ ଛୁଟି ଅକ୍ଟୋବର ୨ରୁ ଆରମ୍ଭ ହେବ। ଗାନ୍ଧୀ ଜୟନ୍ତ୍ରୀ ଅବସରରେ ଏହି ଦିନ ବ୍ୟାଙ୍କ ବନ୍ଦ ରହିବ। ଏହାପରେ,୬ ଓ ୮ ଅକ୍ଟୋବରରେ କ୍ରମାଗତ ୨ ଦିନ ବ୍ୟାଙ୍କରେ କୌଣସି କାମ ହେବ ନାହିଁ। କାରଣ ୬ ତାରିଖ ରବିବାର ମହାନବମୀ ପଡୁଥିବା ବେଳେ ୮ରେ ବିଜୟାଦଶମୀ ବା ଦଶହରା ପାଳନ କରାଯିବ। ଏହି କାରଣରୁ ବ୍ୟାଙ୍କ ଛୁଟି ରହିବ। ଏହାପରେ ୧୨ରେ ମାସର ଦ୍ୱିତୀୟ ଶନିବାର, ୧୩ରେ ରବିବାର ପଡୁଛି। ସେହିପରି ପରବର୍ତ୍ତୀ ରବିବାର ୨୦ରେ ପଡୁଛି। ଏହାବାଦ୍ ୨୬ରେ ମାସର ଚତୁର୍ଥ ଶନିବାର, ୨୭ରେ ରବିବାର ତଥା ଦୀପାବଳି ପଡୁଛି।