ଭୁବନେଶ୍ୱର,୯।୮(ବ୍ୟୁରୋ): ଆସନ୍ତା ୧୬ ତାରିଖରେ ସ୍ଥାନୀୟ ରୋଟାରୀ ଭବନରେ ‘ହୋପ୍ ଫାଉଣ୍ଡେଶନ’ ପକ୍ଷରୁ ସ୍ବର୍ଗତ ପ୍ରଫେସର ମନମୋହନ ମହାନ୍ତିଙ୍କର ପ୍ରଥମ ଶ୍ରାଦ୍ଧବାର୍ଷିକୀ ପାଳନ କରାଯିବ। ଏନେଇ ସ୍ପେଶାଲ ସର୍କିଟ ହାଉସ୍ରେ ଶୁକ୍ରବାର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ପ୍ରଫେସର ରାଜେନ୍ଦ୍ର ମହାନ୍ତି, ଶୁଭ୍ରାଂଶୁ ଭୂଷଣ ରାୟ, ସଞ୍ଜୟ ସାମନ୍ତରାୟ, ସୁଶୀଲ କୁମାର ନନ୍ଦ ପ୍ରମୁଖ ଉପସ୍ଥିତ ଥିଲେ। ତେବେ ଉକ୍ତ କାର୍ଯ୍ୟକ୍ରମରେ ଯୋଗଦେବାକୁ ଛାତ୍ରୀଛାତ୍ର, ଶୁଭେଚ୍ଛୁ ଓ ବୁଦ୍ଧିଜୀବୀମାନଙ୍କୁ ଅନୁରୋଧ କରାଯାଇଛି।