ଭଣ୍ଡାରିପୋଖରୀ, ୧୦।୬(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ମଣିନାଥପୁର ଗ୍ରାମର ଅଗ୍ନିବିପନ୍ନ ପରିବାର ରବୀନ୍ଦ୍ର ସାମଲଙ୍କୁ ଭଣ୍ଡାରିପୋଖରୀ ବ୍ଲକ କଂଗ୍ରେସ ପକ୍ଷରୁ ସହାୟତା ପ୍ରଦାନ କରାଯାଇଛି।ଭଣ୍ଡାରିପୋଖରୀ ନିର୍ବାଚନ ମଣ୍ଡଳୀର କଂଗ୍ରେସ ନେତା ସୁବ୍ରତ ଦାସଙ୍କ ନେତୃତ୍ୱରେ ବ୍ଲକ କଂଗ୍ରେସ ସଭାପତି ରଜନୀ କାନ୍ତ ଚନ୍ଦ, ବରିଷ୍ଠ ନେତା ଗୋଲକ ପ୍ରସାଦ ବେହେରା, ଶ୍ୟାମସୁନ୍ଦର ମହାପାତ୍ର , ଲଳିତ ବେହୁରିଆ ପ୍ରମୁଖ ଅଗ୍ନି ବିପନ୍ନ ରବୀନ୍ଦ୍ରଙ୍କୁ ଭେଟି ଆର୍ଥିକ ସହାୟତା ପ୍ରଦାନ ସହ ତହସିଲ ପକ୍ଷରୁ ତାଙ୍କୁ ତୁରନ୍ତ ସହାୟତା ଯୋଗାଇଦେବାକୁ ଦାବି କରିଥିଲେ। ରବୀନ୍ଦ୍ରଙ୍କର ଚାରି ବଖରା ଘର ସମେତ ଏକ କୁକୁଡ଼ା ଫାର୍ମ ଓ ଏକ ଇଟା ଫ୍ୟାକ୍ଟ୍ରି ଅଗ୍ନିକାଣ୍ଡରେ ଜଳିଯାଇଥିଲା।