ଶେରଗଡ଼,୨୫।୭(ଡି.ଏନ.ଏ.): ଗଞ୍ଜାମ ଜିଲାର ଶେରଗଡ଼ ତହସିଲଦାର ଗୁରୁବାର ଦିନ କୁଲାଗଡ଼ ସେକ୍ଟର ଓ ମହୁପଦର ସେକ୍ଟରରେ ଥେିବା ସମସ୍ତ ଅଙ୍ଗନବାଡ଼ି କେନ୍ଦ୍ରଗୁଡିକୁ ଅଚାନକ ପରିଦର୍ଶନ କରିଛନ୍ତି। ତହସିଲଦାର ଡ଼. ଦୟାସିନ୍ଧୁ ପରିଡା ପ୍ରଥମେ ମହୁପଦର ସେକ୍ଟରର କିଛି ଅଙ୍ଗନବାଡ଼ି କେନ୍ଦ୍ର ପରିଦର୍ଶନ କରି କେନ୍ଦ୍ରର ବିଭିନ୍ନ କାଗଜ ପତ୍ର ଯାଞ୍ଚ କରିଥିଲେ। ମୂଖ୍ୟତଃ ଅଙ୍ଗନବାଡ଼ି କର୍ମୀ ଆସୁଛନ୍ତି ନା ନାହିଁ, ଉପସ୍ଥାନ ଖାତା, ଖାଦ୍ୟ ରନ୍ଧା ଯାଉଛିନା ନାହିଁ, ପ୍ରାକ୍ ପ୍ରାଥମିକ ଶିକ୍ଷା ଦିଆଯାଉଛି ନା ନାହିଁ ସେନେଇ ସେ ତଦାରଖ କରିଥିଲେ। ଏଥିସହ କେନ୍ଦ୍ରର କାଗଜପତ୍ର ଠିକ୍ କରିବାକୁ କହିବା ସହ କାମରେ ଅବହେଳା ହେଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ଦୟାସିନ୍ଧୁ କର୍ମୀମାନଙ୍କୁ ଚେତାବନୀ ଦେଇଛନ୍ତି। ଏହାପରେ ସେ ବ୍ଲକର ଶେରଗଡ଼, ତାକରଡା, ଖମାର, କୁଲାଗଡ଼ ଗଁ।ରେ ଥିବା କେନ୍ଦ୍ରକୁ ପରିଦର୍ଶନ କରିଥିଲେ। ଉକ୍ତ ପରିଦର୍ଶନ ସମୟରେ ସୁପର ଭାଇଜର ଗେଲିସାରିଆ ସାହୁ, ବାସନ୍ତୀ ଲତା ଦେବୀ ମଧ୍ୟ ଉପସ୍ଥିତ ରହିଥିଲେ।
