ରାଇସୁଅଁ।, ୧୮।୧(ଡି.ଏନ.ଏ.)- କେନ୍ଦୁଝର ଜିଲା ସଦର ଅଞ୍ଚଳରେ ଖୁଚୁରା ଟଙ୍କା ଅଚଳ ନେଇ ଗୁଜବ ଥମିବାର ନଁ। ଧରୁନି। ଏଭଳି ଗୁଜବ ଯୋଗୁ ଧୀରେ ଧୀରେ ଟଙ୍କିକିଆ ଓ ୨ ଟଙ୍କିଆ କଏନ ଅଚଳ ହେବାକୁ ବସିଛି। ସରକାର ଏହି ୨ କଏନକୁ ଅସିଦ୍ଧ ଘୋଷଣା କରି ନ ଥିଲେ ମଧ୍ୟ କେତେକ ଲୋକ ଏଗୁଡ଼ିକ ଅଚଳ ହୋଇଯାଇଥିବା କହି ମିଥ୍ୟା ପ୍ରଚାର କରୁଛନ୍ତି। ଏପରିକି ଆଲୁମିନିୟମ କିଲୋ ଦରରେ ନିରକ୍ଷର ଲୋକଙ୍କୁ ଭୁତାଇ ନେଇ ଆସୁଥିବା କୁହାଯାଉଛି। ଏହାସହ ବ୍ୟାଙ୍କଗୁଡ଼ିକ ମଧ୍ୟ ଏହି କଏନ ରଖିବାକୁ ମନା କରି ଦେଉଥିବାରୁ ବାଧ୍ୟହୋଇ ବହୁ ଗରିବ ନିରକ୍ଷର ଲୋକ ଅସାଧୁ ଲୋକଙ୍କୁ କିଲୋଦରରେ କଏନଗୁଡ଼ିକୁ ଦେଇ ଦେଉଥିବା ଅଭିଯୋଗ ହେଉଛି। ଲୋକଙ୍କଠାରୁ କଏନ ନେଉଛନ୍ତି। ମାତ୍ର ପାଇକାରୀ ବ୍ୟବସାୟୀମାନେ ସେମାନଙ୍କଠାରୁ ଖୁଚୁରା ଟଙ୍କା ନେବାକୁ ମନା କରୁଛନ୍ତି ବୋଲି ବହୁ ବ୍ୟବସାୟୀ କହିଛନ୍ତି। ଫଳରେ ବାଧ୍ୟହୋଇ ସେମାନେ ଗ୍ରାହକଙ୍କଠାରୁ ଏହି ଟଙ୍କା ନେବାକୁ ମନା କରୁଥିବା ପ୍ରକାଶ କରିଛନ୍ତି। ଏଥିପ୍ରତି ଜିଲା ପ୍ରଶାସନ ଦୃଷ୍ଟି ଦେବା ସହ କାର୍ଯ୍ୟାନୁଷ୍ଠାନ ନେବାକୁ ସ୍ଥାନୀୟ ଅଞ୍ଚଳର ବହୁ ବୁଦ୍ଧିଜୀବୀ ଦାବି କରିଛନ୍ତି।