ଖୋର୍ଦ୍ଧା ଅଫିସ,୧୩।୯: ଖୋର୍ଦ୍ଧା ବନଖଣ୍ଡ ବାଲିପାଟଣା ବନାଞ୍ଚଳ ଅଧୀନ ଗୋଟିଏ ବେଆଇନ କରତ କଳ ଉପରେ ବନ ବିଭାଗ ପକ୍ଷରୁ ମଙ୍ଗଳବାର ସକାଳୁ ଚଢ଼ାଉ କରାଯାଇଛି। ବିଲିପଡ଼ା ଗ୍ରାମରେ ଥିବା ଏହି କରତ କଳ ଉପରେ ଭୁବନେଶ୍ୱର ଭିଜିଲାନ୍ସ ଓ ବାଲିପାଟଣା ବନାଞ୍ଚଳ ବିଭାଗ ମିଳିତ ଭାବେ ଚଢ଼ାଉ କରିଛନ୍ତି। ଭିଜିଲାନ୍ସ ଏସିଏଫ୍ ସାଧନା ସ୍ବାଇଁ, ଖୋର୍ଦ୍ଧା ଏସିଏଫ୍ ଅସିତ କୁମାର ମିଶ୍ର, ବାଲିପାଟଣା ବନାଞ୍ଚଳ ଅଧିକାରୀ ମାନସ ରଞ୍ଜନ ମହାନ୍ତିଙ୍କ ଉପସ୍ଥିତିରେ ଏହି ଚଢ଼ାଉ ହୋଇଛି। ଖୋର୍ଦ୍ଧା ବନ ବାନାଞ୍ଚଳ କର୍ମଚାରୀ ଏବଂ ପୋଲିସ ଫୋର୍ସ ମଧ୍ୟ ମୁତୟନ କରାଯାଇଥିଲା। ଗ୍ୟାସ କଟରରେ କରତ କଳରେ ବ୍ୟବହୃତ ସାମଗ୍ରୀ କଟାଯାଇଛି।