ପୃଥିବୀରେ ସମୁଦାୟ ୩୦୦୦ରୁ ଊର୍ଦ୍ଧ୍ୱ ପ୍ରଜାତିର ସାପ ଦେଖାଯାଆନ୍ତି। କିଏ ବଡ଼ ତ କିଏ ଛୋଟ, କିଏ ଆଦୌ ବିଷାକ୍ତ ନୁହେଁ ତ କିଏ ଅତ୍ୟନ୍ତ ବିଷାକ୍ତ ଆଉ ପୁଣି କିଏ ରଙ୍ଗବେରଙ୍ଗ। ତେବେ ଜାଣିବା କେତେକ ଅଜବ ସାପ ସମ୍ପର୍କରେ…
ପୃଥିବୀରେ ସମୁଦାୟ ୩୦୦୦ରୁ ଊର୍ଦ୍ଧ୍ୱ ପ୍ରଜାତିର ସାପ ଦେଖାଯାଆନ୍ତି। କିଏ ବଡ଼ ତ କିଏ ଛୋଟ, କିଏ ଆଦୌ ବିଷାକ୍ତ ନୁହେଁ ତ କିଏ ଅତ୍ୟନ୍ତ ବିଷାକ୍ତ ଆଉ ପୁଣି କିଏ ରଙ୍ଗବେରଙ୍ଗ। ତେବେ ଜାଣିବା କେତେକ ଅଜବ ସାପ ସମ୍ପର୍କରେ…
୧- ଟେଣ୍ଟାକିଲ୍ଡ ସ୍ନେକ୍: ଦକ୍ଷିଣ-ପୂର୍ବ ଏସିଆରେ ଦେଖାଯାଉଥିବା ଏହି ଅଜବ ସାପଟିର ମୁଣ୍ଡରେ ଦୁଇଟି ଶିଙ୍ଗ ସଦୃଶ (ଟେଣ୍ଟାକିଲ୍) ଅଂଶ ରହିଛି। ସେଥିପାଇଁ ଏହାର ନାମ ଏପରି କରାଯାଇଛି। ଏହି ଟେଣ୍ଟାକିଲ୍ ତାକୁ ଏକ ଆଣ୍ଟିନା ଭଳି ଖାଦ୍ୟ ସଂଗ୍ରହରେ ବେଶ୍ ସାହାଯ୍ୟ କରିଥାଏ। ଏହି ସାପ ମୁଖ୍ୟତଃ ପାଣି ଭିତରେ ରହିବାକୁ ପସନ୍ଦ କରିଥାଏ। ଏହା ଏକା ସମୟରେ ୩୦ ମିନିଟ୍ ପର୍ଯ୍ୟନ୍ତ ନିଃଶ୍ୱାସ ରୋକିପାରେ। ଏହା ମାଟି ଉପରେ ଖୁବ୍ ଧୀରେ ଚାଲିପାରେ। ଏହି ସାପ ବିଷାକ୍ତ ହୋଇଥିଲେ ସୁଦ୍ଧା ମଣିଷ ପାଇଁ ବିପଦପୂର୍ଣ୍ଣ ନୁହେଁ।
୨. ଫ୍ଲାଇଂ ସ୍ନେକ୍ : ସାପ ପୁଣି ଉଡ଼ିପାରେ, ଏକଥା ଶୁଣିଲେ ଆଶ୍ଚର୍ଯ୍ୟ ଲାଗିପାରେ। ହେଲେ ଉଡ଼ନ୍ତା ସାପ; ଏପରି ନାମକରଣ କରାଯିବା ପଛରେ ରହିଛି ଏକ କାରଣ। ଏହି ସାପ ଗଛଡାଳରୁ ଡାଳ ଏତେ କ୍ଷିପ୍ର ଗତିରେ ଖସି ଖସି ଯାଇଥାଏ ଏବଂ କେବେକେବେ ଖୁବ୍ ଜୋରରେ ଲମ୍ଫ ପ୍ରଦାନ କରିଥାଏ, ଯାହାକୁ ଦେଖିଲେ ତାହା ଉଡୁଥିବାର ଭ୍ରମ ସୃଷ୍ଟି କରେ। ଏହି ସାପ ପେଟର ମାଂସପେଶୀ ସାହାଯ୍ୟରେ ଖୁବ୍ଶୀଘ୍ର ଗଛ ଚଢ଼ିଥାଏ ଏବଂ ଅନ୍ୟ ଗଛକୁ ଡେଇଁଥାଏ। ଏହି ସାପ ଦକ୍ଷିଣ ଏସିଆ ଏବଂ ଇଣ୍ଡୋନେସିଆରେ ଦେଖାଯାଇଥା’ନ୍ତି।
୩. ସ୍ପାଇନୀ ବୁଶ୍ ଭାଇପର: ଏହି ସାପକୁ ଛୋଟ ଡ୍ରାଗନ ବୋଲି ମଧ୍ୟ କେହି କେହି କହିଥା’ନ୍ତି। କାରଣ ଏହା ପିଠିରେ ଥିବା କାତିଗୁଡ଼ିକ କଣ୍ଟା ପରି। ଏହି ସାପ ବିଷାକ୍ତ ହୋଇଥିବା ବେଳେ ଏହାର ବିଭିନ୍ନ ପ୍ରକାରର ରଙ୍ଗ ରହିଛି। ଏହା ସାଧାରଣତଃ ମଧ୍ୟ ଆଫ୍ରିକାରେ ଦେଖାଯାଆନ୍ତି।