ମଣିଷକୁ ମାରୁଥିବା ସିରିଏଲ କିଲର ବିଷୟରେ ତ ଆପଣ ଶୁଣିଥିବେ, କିନ୍ତୁ ବ୍ରିଟେନରେ ଜଣେ ସିରିଏଲ କିଲର୍ ଯିଏ ମଣିଷ ନୁହେଁ, ବିଲେଇକୁ ନିଜର ଟାର୍ଗେଟ କରନ୍ତି। ୨୦୧୪ରେ ଦକ୍ଷିଣ ଲଣ୍ଡନର କ୍ରାଏଡନ୍ ସହରରେ ବିଲେଇ ହତ୍ୟା ଖବର ପ୍ରଥମେ ସାମ୍ନାକୁ ଆସିଥିଲା। ଏହାପରେ ସହରର ଅନ୍ୟ ସ୍ଥାନରେ ମଧ୍ୟ ବିଲେଇ ହତ୍ୟା ଖବର ଆସିବା ପରେ ଏହାକୁ ନେଇ ସ୍ଥାନୀୟ ପ୍ରଶାସନର ଚିନ୍ତା ବଢିଥିଲା। କିଏ ସେ ବିଲେଇକୁ ମାରୁଛି ବୋଲି ତଦନ୍ତ ଆରମ୍ଭ ହୋଇଥିଲା। ୨୦୧୫ରେ ଏଭଳି କିଲରକୁ ଖୋଜିବା ପାଇଁ ପୋଲିସ ପକ୍ଷରୁ ଏକ ଟିମ୍ ଗଠନ କରାଯାଇଥିଲା। ଯାହାର ନାମ ‘ତାକାହେ’ ରଖାଯାଇଥିଲା। ଏହି ଟିମ୍ କିଲରକୁ ଖୋଜିବାରେ ୭୫୦୦ ପାଉଣ୍ଡ ଖର୍ଚ୍ଚ କରିଥିଲେ ମଧ୍ୟ ତା‘ର କୌଣସି ସନ୍ଧାନ ମିଳି ନ ଥିଲା। ପରେ ଜଣେ ସନ୍ଦିଗ୍ଧ ଯୁବକଙ୍କୁ ବିଲେଇ ହତ୍ୟାକାରୀ ଭାବେ ଧରି ଥାନାକୁ ଅଣାଯାଇଥିଲା। କିନ୍ତୁ ପ୍ରମାଣ ଅଭାବରୁ ତାଙ୍କୁ ପୋଲିସ ଛାଡିଦେଇଥିଲା।