ମୁମ୍ବାଇ,୨୨।୧୦- କ୍ରିକେଟ ଲିଜେଣ୍ଡ ସଚିନ୍ ତେନ୍ଦୁଲକର ବାନ୍ଦ୍ରାରେ ଭୋଟ୍ ଦେଇଛନ୍ତି। ମହାରାଷ୍ଟ୍ର ଓ ହରିୟାଣାରେ ସୋମବାର ନିର୍ବାଚନ ହୋଇଥିବା ବେଳେ ସେ ସ୍ତ୍ରୀ ଅଞ୍ଜଳି ଓ ପୁଅ ଅର୍ଜୁନଙ୍କ ସହ ଭୋଟ ଦେଇଥିଲେ। ବୟସ୍କ ବ୍ୟକ୍ତିମାନେ ଭୋଟ ଦେବାକୁ ଲାଇନ୍ରେ ଠିଆ ହୋଇଥିବା ବେଳେ ସେ ଏମାନଙ୍କୁ ପ୍ରଶଂସା କରିଛନ୍ତି। ଯୁବ ପିଢ଼ିକୁ ମଧ୍ୟ ଭୋଟ ଦେବା ପାଇଁ ସେ ଆହ୍ବାନ ଦେଇଥିଲେ। ଭୋଟ ଦେବାକୁ ଯୋଗ୍ୟ ହୋଇଥିଲେ ଭୋଟ ନିଶ୍ଚିତ ଦେବା ଆବଶ୍ୟକ ବୋଲି ସେ କହିଛନ୍ତି। ମତଦାନର ଗୁରୁତ୍ୱକୁ ଉପଲବ୍ଧି କରି ସେ ଅଞ୍ଜଳି, ଅଜୁର୍ନଙ୍କ ସହ ନିଜର ଫଟୋ ଟୁଇଟରରେ ଅପଲୋଡ କରିଛନ୍ତି।