ନୟାଗଡ ଅଫିସ,୪।୩-ନୟାଗଡ ଜିଲା ଦଶପଲ୍ଲା ବ୍ଲକର ଘୋଳାହାଣ୍ଡି ଅଞ୍ଚଳରେ ଜଣେ ୧୬ ବର୍ଷୀୟା ନାବାଳିକାଙ୍କର ବିବାହ ବନ୍ଦ କରାଇବାରେ ଜିଲା ଶିଶୁ ସୁରକ୍ଷା ୟୁନିଟ୍ ଓ ଚାଇଲ୍ଡ ଲାଇନ ସଫଳ ହୋଇଛନ୍ତି । ସୋମବାର ରାତିରେ ନିର୍ବନ୍ଧ ହୋଇଥିଲା । ମଙ୍ଗଳବାର ବିବାହ ହେବା ପାଇଁ ପ୍ରସ୍ତୁତି ଜାରି ରହିଥିଲା । ବରଯାତ୍ରୀ ଭୋଜି ଖାଇ ସାରିଥିଲେ । ଏପରି ସମୟରେ ଜିଲା ଶିଶୁ ସୁରକ୍ଷା ୟୁନିଟ୍ ଓ ଚାଇଲ୍ଡ ଲାଇନ ପହଞ୍ଚି ବିବାହ ବନ୍ଦ କରାଇ ଝିଅକୁ ଉଦ୍ଧାର କରିଥିଲେ । ପରେ ନାବାଳିକାଙ୍କୁ ସିଡବ୍ଲୁସିରେ ହାଜର କରାଇ ତପସ୍ୟା ଶିଶୁ ଗୃହରେ ରଖାଯାଇଛି ।