ଆନନ୍ଦପୁର,୧୧। ୯(ସ୍ବ.ପ୍ର.)- ଆନନ୍ଦପୁର ୧୩ ନଂ ଓ୍ବାର୍ଡ଼ ସୁଡୁସୁଡିଆ ରାସ୍ତାରେ ବାଇକ୍ ଓ ଅଟୋ ମୁହାଁମୁହିଁ ହେବା ଫଳରେ ୪ ଜଣ ଗୁରୁତର ହେବା ସହିତ ଦୁଇ ଜଣ ଆହତ ହୋଇ ଆନନ୍ଦପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। ଆଟୋଟି ଆନନ୍ଦପୁରରୁ ୪ ଜଣ ଯାତ୍ରୀ ଧରି ଶାଳଡା ବାଇପାସ୍ ଅଭିମୁଖେ ଯାଉଥିବା ସମୟରେ ବିପରୀତ ଦିଗରୁ ଆସୁଥିବା ଏକ ବାଇକ୍ ସହ ସମ୍ମୁଖରୁ ଧକ୍କା ହୋଇଥିଲା। ବାଇକ୍ରେ କାଳୁପଡା ଅଞ୍ଚଳର ସସ୍ମିତା ନାଥ ଓ ଉଲ୍ଲାସ ନାଥ ଯାଉଥିବାବେଳେ ସସ୍ମିତା ଗୁରୁତର ଆହତ ହୋଇଛନ୍ତି। ସେହିଭଳି ଅଟୋ ରେ ବାଉଁଶନାଳି ଅଂଚଳର ପାଣ୍ଡବ ଜେନା, ବିଦୁ ଜେନା, ପାର୍ବତୀ ଜେନା, ସାବିତ୍ରୀ ଜେନା ଥିବାବେଳେ ସାବିତ୍ରୀଙ୍କୁ ଛାଡି ଅନ୍ୟ ତିନି ଜଣ ଗୁରୁତର ଆହତ ହୋଇଛନ୍ତି। ସମସ୍ତ ୬ ଜଣ ଆହତ ଆନନ୍ଦପୁର ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।