ମୁମ୍ବାଇ: ବଲିଉଡ୍ ନାୟିକା ଦୀପିକା ପାଦୁକୋନ ଏବେ ସୋସିଆଲ ମିଡିଆରେ ଖୁବ୍ ଆକ୍ଟିଭ ଥିବା ଦେଖାଯାଇଛି। କିଛିଦିନ ହେବ ସେ କିଛି ପୁରୁଣା ଫଟୋ ଇନଷ୍ଟାଗ୍ରାମରେ ଶେୟାର କରି ଅତୀତର ସ୍ମୃତିକୁ ମନେପକାଉଥିବା କୁହାଯାଉଛି। ନିକଟରେ ସେ ଏମିତି ଏକ ଫଟୋ ଶେୟାର କରିଛନ୍ତି ଯାହା ଆସିଛି ଚର୍ଚ୍ଚାକୁ। ଯଦିଓ ବଲିଉଡ୍ରେ ସେ କିଙ୍ଗ ଖାନ୍ ଶାହାରୁଖଙ୍କ ସହ ‘ଓମ୍ ଶାନ୍ତି ଓମ୍’ ଫିଲ୍ମ ମାଧ୍ୟମରେ ଏଣ୍ଟ୍ରି କରିଥିଲେ ଏବେ କିନ୍ତୁ ସେ ଯେଉଁ ଫଟୋ ଅପଲୋଡ କରିଛନ୍ତି ସେଥିରେ ବଲିଉଡ୍ ଆସିବା ପୂର୍ବରୁ ବଲିଉଡ୍ର ମିଷ୍ଟର ପରଫେକ୍ସନିଷ୍ଟ ଆମରିଙ୍କ ସହ ଥିବା ତାଙ୍କର ସମ୍ପର୍କକୁ ଦେଖିବାକୁ ମିଳିଛି। ଅସଲ କଥା ହେଲା ଦୀପିକା ଏହି ଫଟୋ ଶେୟାର କରିବା ସହ ଯାହା ଲେଖିଛନ୍ତି , ସେଥିରୁ ଜଣାପଡୁଛି ୨୦୦୦ ମସିହା ଜାନୁୟାରୀ ୧ରେ ଆମିର ଖାଁ ତାଙ୍କ ଘରକୁ ଅତିଥି ହୋଇ ଆସିଥିଲେ। ଏହି ସମୟରେ ତାଙ୍କୁ ଖାଇବାକୁ ଦିଆଯାଇଥିବା ବେଳେ ଦୀପିକାଙ୍କୁ ବି ଭୋକ ଲାଗୁଥିଲା ହେଲେ ଆମିର ତାଙ୍କୁ ଖାଇବା ଅଫର କରି ନ ଥିଲେ ବୋଲି ସେ କହିଛନ୍ତି। ଏହାକୁ ସେ ଏବେ ଆମିରଙ୍କୁ ଟ୍ୟାଗ୍ ମଧ୍ୟ କରିଛନ୍ତି। ପିଲାବେଳର ସ୍ମୁତିକୁ ଆଜିବି ମନେ ରଖିଛନ୍ତି ଦୀପିକା। ଉକ୍ତ ଫଟୋରେ ଦୀପିକାଙ୍କ ପୂରା ପରିବାର ନଜର ଆସିଛନ୍ତି।