ଜେନେଭା, ୩।୬: ପୃଥିବୀରେ କରୋନା ମହାମାରୀ ସଂକ୍ରମଣ ଆତଙ୍କ ସୃଷ୍ଟି କରିଛି। ସୁସ୍ଥ ହେବା ପାଇଁ ସଂକ୍ରମିତଙ୍କୁ ବିଭିନ୍ନ ଆଣ୍ଟିବାୟୋଟିକ୍ସ୍ ଦିଆଯାଉଛି। ତେବେ ଅତ୍ୟଧିକ ଆଣ୍ଟିବାୟୋଟିକ୍ସ୍ ବ୍ୟବହାର କ୍ଷତିକାରକ ବୋଲି (ବିଶ୍ୱସ୍ବାସ୍ଥ୍ୟ ସଂଗଠନ) ଡବ୍ଲ୍ୟୁଏଚ୍ଓ ପକ୍ଷରୁ କୁହାଯାଇଛି। ଏନେଇ ଡବ୍ଲ୍ୟୁଏଚ୍ଓ ମହାନିର୍ଦ୍ଦେଶକ ଟେଡ୍ରୋସ୍ ଅଧନୋମ୍ ଗେବ୍ରେସିୟସ୍ ସୂଚନା ଦେଇଛନ୍ତି। ଯେଉଁ କରୋନା ସଂକ୍ରମିତଙ୍କ ଲାଗି ଆଣ୍ଟିବାୟୋଟିକ୍ସ୍ ଆବଶ୍ୟକ ସେମାନେ ଏହାର ବ୍ୟବହାର କରିବା ଉଚିତ। ଆଣ୍ଟିବାୟୋଟିକ୍ସ୍ର ଅତ୍ୟଧିକ ବ୍ୟବହାର ଦ୍ୱାରା କରୋନା ଭୂତାଣୁର ପ୍ରତିରୋଧକ କ୍ଷମତା ବଢ଼ି ବଢ଼ିଯାଇଥାଏ ବୋଲି ସେ କହିଛନ୍ତି। ଚାଇନାକୁ ନେଇ ଡବ୍ଲ୍ୟୁଏଚ୍ଓ ଚିନ୍ତିତ ରହିଛି। ଚାଇନା କରୋନା ସଂକ୍ରମଣ ନିୟନ୍ତ୍ରଣ କରିବାର ତଥ୍ୟ ପ୍ରଦାନ କରିବାରେ ଟାଳଟୁଳ ନୀତି ଗ୍ରହଣ କରୁଛି। କରୋନାର ଜେନେଟିକ୍ ମ୍ୟାପ୍, ଜିନୋମ୍ ସଂରଚନା ଆଦି ସହିତ ଜଡ଼ିତ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ଡବ୍ଲ୍ୟୁଏଚ୍ଓଠାରୁ ଚାଇନା ଲୁଚାଇ ରଖିଥିବା ଗେବ୍ରେସିୟସ୍ କହିଛନ୍ତି। ସେହିପର ଇଟାଲିିର ଦାବିକୁ ଗେବ୍ରେସିୟସ୍ ଭୁଲ୍ ବୋଲି କହିଛନ୍ତି। କରୋନା ଦୁର୍ବଳ ହୋଇଯାଇଥିବା ଇଟାଲି କହୁଛି। ତେବେ ତାହା ମିଥ୍ୟା ବୋଲି ସେ କହିଛନ୍ତି।