ଆସିକା,୨୬ା୫(ଡି.ଏନ.ଏ.)- ସୁରଟରୁ ସ୍ବତନ୍ତ୍ର ଶ୍ରମିକ ଟ୍ରେନରେ ଫେରୁଥିବା ଜଣେ ପ୍ରବାସୀ ଓଡ଼ିଆଙ୍କ ରବିବାର ସନ୍ଧ୍ୟାରେ ରାସ୍ତାରେ ମୃତ୍ୟୁ ଘଟିଛି। ସେ ହେଲେ ଗଞ୍ଜାମ ଜିଲା ଆସିକା ଥାନା ଅନ୍ତର୍ଗତ ପାଟଳିଗୁଡା ଗ୍ରାମର ପ୍ରଫୁଲ୍ଲ କୁମାର ସ୍ବାଇଁ (୪୫)। ୧୨ ବଷର୍ର୍ୀୟ ନିଜ ପୁଅ ଅନିଲଙ୍କ ସହ ପ୍ରଫୁଲ୍ଲ ସୁରଟରୁ ଶ୍ରମିକ ଟ୍ରେନରେ ଫେରୁଥିଲେ। ରବିବାର ସନ୍ଧ୍ୟାରେ ଟ୍ରେନରେ ହଠାତ୍ ସେ ଅସୁସ୍ଥ ହୋଇପଡ଼ିଥିଲେ ା ଛତିଶଗଡ଼ ରାୟପୁର ନିକଟସ୍ଥ ମହାସମୁନ୍ଦ ରେଳ ଷ୍ଟେଶନରେ ତାଙ୍କୁ ଟ୍ରେନରୁ ଓହ୍ଲାଇ ସେଠାକାର ଡାକ୍ତରଖାନାରେ ଭର୍ତ୍ତି କରାଯାଇଥିଲା ା ତେବେ କିଛି ସମୟ ପରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ଖବରପାଇ ପ୍ରଫୁଲ୍ଲଙ୍କ ଆତ୍ମୀୟମାନେ ରବିବାର ରାତିରେ ସେଠାକୁ ଯିବାଲାଗି ଆସିକା ଥାନା ପୋଲିସର ସହାୟତା ଲୋଡ଼ିଥିଲେ ା ଥାନା ଅଧିକାରୀ ପ୍ରଶାନ୍ତ କୁମାର ସାହୁ ଏ ନେଇ ଗଞ୍ଜାମ ଏସ୍ପିଙ୍କୁ ଜଣାଇଥିଲେ। ଏସ୍ପି ବ୍ରିଜେଶ କୁମାର ରୟ ଛତିଶଗଡ ପୋଲିସ ପ୍ରଶାସନ ସହ ଯୋଗାଯୋଗ କରି ପ୍ରଫୁଲ୍ଲଙ୍କ ଆମତ୍ୀୟଙ୍କୁ ସେଠାରେ ପହଞ୍ଚାଇବା ବ୍ୟବସ୍ଥା କରିଥିଲେ ା ସୋମବାର ସନ୍ଧ୍ୟାରେ ମୃତଦେହକୁ ବ୍ୟବଚ୍ଛେଦ କରାଯାଇଛି ା ପ୍ରଫୁଲ୍ଲଙ୍କର କରୋନା ସଂକ୍ରମଣ ନେଇ ଲକ୍ଷଣ ମିଳି ନ ଥିବାରୁ ମୃତଦେହକୁ ଗ୍ରାମକୁ ଆଣିବା ଲାଗି ବ୍ୟବସ୍ଥା କରାଯାଉଥିବା ଜଣାପଡିଛି ା