ଫୁଲବାଣୀ ଅଫିସ,୩୦ା୧୦- ବାଲିଗୁଡା ଏନ୍ଏସି ଅଧ୍ୟକ୍ଷା ମମତା ବେହେରାଙ୍କ ବିରୋଧରେ ଅନାସ୍ଥା ପ୍ରସ୍ତାବ ପାଇଁ ପରିଷଦର ୭ଜଣ ସଦସ୍ୟାସଦସ୍ୟ ମଙ୍ଗଳବାର କନ୍ଧମାଳ ଜିଲାପାଳ ଡ. ବୃନ୍ଦା ଡିଙ୍କ ନିକଟରେ ଦାବି କରିଛନ୍ତି। ପରିଷଦର ସଦସ୍ୟ ବରଦା ପ୍ରସାଦ ମିଶ୍ର, ନାରାୟଣ ଡାକୁଆ, ଜୟନ୍ତୀ ଜେନା, ଶାନ୍ତି କୁମାରି ନାୟକ, ଅର୍ଜୁନ ନାୟକ, ଶିରିସି କୁମାର ପ୍ରଧାନ ପ୍ରମୁଖ ୬ ଜଣ ଜିଲାପାଳଙ୍କୁ ଦେଇଥିବା ଲିଖିତ ଅଭିଯୋଗ ଅନୁଯାୟୀ ଅଧ୍ୟକ୍ଷା ମନମୁଖୀ କାମ କରିବା ସହ ପରିଷଦ ସଦସ୍ୟଙ୍କ ମତାମତ ନେଉ ନାହାନ୍ତି। ଜିଲାପାଳଙ୍କ ଅନୁପସ୍ଥିତିରେ ତାଙ୍କ ପିଏଙ୍କୁ ଅଭିଯୋଗପତ୍ର ଦେଇଥିଲେ। ମାସେତଳେ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ପ୍ରସ୍ତାବ ପାଇଁ ଜିଲାପାଳଙ୍କ ନିକଟରେ ଦାବି କରାଯାଇଥିଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବା ସେମାନେ ଅଭିଯୋଗ କରିଛନ୍ତି। କୌଣସି ପଦକ୍ଷେପ ନ ନେଲେ ହାଇକୋର୍ଟର ଆଶ୍ରୟ ନେବେବୋଲି ସଦସ୍ୟମାନେ ଗଣାମଧ୍ୟମକୁ କହିଛନ୍ତି।