ଅନୁଗୋଳ ଅଫିସ, ୧୧।୧୦-ଅନୁଗୋଳ ବ୍ଲକ ଖଲାରୀ ସରପଞ୍ଚ କନ୍ଦର୍ପ ମହାରଣାଙ୍କ ବିରୋଧରେ ଶୁକ୍ରବାର ହେବାକୁ ଥିବା ଅନାସ୍ଥା ବୈଠକ ସ୍ଥଗିତ ରହିଛି। ଗୁରୁବାର ସନ୍ଧ୍ୟା ୭ଟା ପରେ ବ୍ଲକ ପକ୍ଷରୁ ଏ ନେଇ ପଞ୍ଚାୟତର ସରପଞ୍ଚ, ସଭ୍ୟାସଭ୍ୟଙ୍କୁ ଅବଗତ କରାଯିବା ସହ ଚିଠି ପ୍ରଦାନ କରାଯାଇଛି। ତେବେ ଏହାକୁ ପ୍ରଶାସନର ଏକ ଷଡ଼ଯନ୍ତ୍ର ବୋଲି ସରପଞ୍ଚ ଅଭିଯୋଗ କରିଛନ୍ତି।
ସେପ୍ଟେମ୍ବର ୨୪ରେ ଖଲାରୀ ପଞ୍ଚାୟତର ନାଏବ ସରପଞ୍ଚ ସବିତା ପ୍ରଧାନ ସରପଞ୍ଚଙ୍କ ବିରୋଧରେ ଅନାସ୍ଥା ଆଣିଥିଲେ। ଏହାପରେ ଅନୁଗୋଳ ଉପଜିଲାପାଳ ଓଡ଼ିଶା ଗ୍ରାମପଞ୍ଚାୟତ ଆଇନ୍ ୧୯୬୪ ଧାରା ୨୪(ଗ) ଅନୁଯାୟୀ ଅକ୍ଟୋବର ୧୧ ପୂର୍ବାହ୍ନ ୧୧ଟାରେ ଖଲାରୀ ପଞ୍ଚାୟତରେ ଏକ ସ୍ବତନ୍ତ୍ର ବୈଠକ ଡକାଇଥିଲେ। ଏ ନେଇ ଉପଜିଲାପାଳଙ୍କ କାର୍ଯ୍ୟାଳୟରୁ ଚିଠି ନଂ ୭୦୦୪/୨୪.୯.୧୯ ଜାରି ହୋଇଥିଲା। ତେବେ ଗତ ବୁଧବାର ଅନୁଗୋଳ ଉପଜିଲାପାଳଙ୍କ କାର୍ଯ୍ୟାଳୟ ଆଉ ଏକ ଚିଠି ନଂ. ୭୮୬୯/୯.୧୦.୧୯ରେ ଅନିବାର୍ଯ୍ୟ କାରଣ ଯୋଗୁ ଉକ୍ତ ବୈଠକକୁ ସ୍ଥଗିତ କରାଯାଇଥିବା ଦର୍ଶାଯାଇଛି। ପରବର୍ତ୍ତୀ ସମୟରେ ବୈଠକର ତାରିଖ ଓ ସ୍ଥାନ ସମ୍ବନ୍ଧରେ ସୂଚନା ଦିଆଯିବ ବୋଲି କୁହାଯାଇଛି। ଏହି ଚିଠି ବୁଧବାର ଠାରୁ ହୋଇଥିଲେ ହେଁ ଗୁରୁବାର ସନ୍ଧ୍ୟା ୭ଟା ପରେ ଜିପିଓ ଖଲାରୀର ବିଭିନ୍ନ ୱାଡର୍ର୍ ସଭ୍ୟା ଓ ସଭ୍ୟଙ୍କ ସହ ସରପଞ୍ଚଙ୍କୁ ଏ ନେଇ ସୂଚନା ଦେବା ସହ ଚିଠି ପ୍ରଦାନ କରିଛନ୍ତି। ସରପଞ୍ଚ ଘରେ ନ ଥିବା ବେଳେ ତାଙ୍କ ପରିବାର ଲୋକଙ୍କୁ ଜବରଦସ୍ତି ଚିଠି