ନିକ୍ ଜୋନାସଙ୍କ ସହ ବିବାହ ବନ୍ଧନରେ ଆବଦ୍ଧ ହେବା ପରେ ପ୍ରିୟଙ୍କା ଚୋପ୍ରା ପ୍ରାୟ ଅଭିନୟ ନିକଟରୁ ଦୂରେଇ ଯାଇଛନ୍ତି। ଯଦି ସୁଯୋଗ ମିଳେ ତେବେ ଏବେ ମଧ୍ୟ ବଲିଉଡ୍ରେ କମ୍ବ୍ୟାକ୍ କରି ପୁଣି ଥରେ ଦର୍ଶକଙ୍କୁ ମନୋରଞ୍ଜନ ଦେବାକୁ ତୟାର ବୋଲି ସେ କହିଛନ୍ତି। ତେବେ ଏବେ ଲକ୍ଡାଉନ୍ ପାଇଁ ସବୁ ବନ୍ଦ। ସମସ୍ତଙ୍କୁ ପ୍ରାୟ ଘରେ ହିଁ ରହିବାକୁ ପଡୁଛି। ତେଣୁ ଏହି ସମୟରେ ସେ ନିଜର ପୁରୁଣା ସ୍ମୃତିକୁ ଉଜାଗର କରି ସାଙ୍ଗମାନଙ୍କ ସହ ଶେୟାର କରୁଛନ୍ତି। ବଲିଉଡ୍ରେ ଏଣ୍ଟ୍ରି କରିବା ପୂର୍ବରୁ ପ୍ରିୟଙ୍କା ମିସ୍ ଓ୍ବାଲର୍ଡ ଟାଇଟଲ ବିଜୟିନୀ ହୋଇଥିଲେ। ଏପରି ସଫଳତା ହାସଲ ପରେ ସେ ଏତେ ଖୁସି ହୋଇଯାଇଥିଲେ ଯେ ସେଦିନ ସେ ରାତି ତମାମ ଶୋଇପାରି ନ ଥିଲେ। ଏ ସମ୍ପର୍କରେ ପ୍ରିୟଙ୍କା କହନ୍ତି, ‘ସେଦିନ ସେହି କ୍ରାଉନ୍ ପିନ୍ଧିବା ପରେ ମୁଁ କେତେ ଖୁସି ହୋଇଥିଲି ତାହା ବର୍ଣ୍ଣନା କରିବାକୁ ମୋ ନିକଟରେ ଭାଷା ନାହିଁ। ସେହି ରାତିରେ ମୋତେ ଆଦୌ ନିଦ ହୋଇ ନ ଥିଲା କେବଳ ସେତିକି ନୁହେଁ, ରାତିତମାମ ସେ ମିସ୍ ଓ୍ବାଲର୍ଡ ମୁକୁଟକୁ ପିନ୍ଧି ସେଦିନ ରାତିକୁ ବିତାଇ ଦେଇଥିଲି।’ ସେତେବେଳେ ତାଙ୍କର ବୟସ କେତେ ହୋଇଥିଲା ଜାଣନ୍ତି? ମାତ୍ର ୧୮ବର୍ଷ। ତା’ପରେ ସେ ହିନ୍ଦୀ ସିନେମାରେ ନିଜକୁ ଜଣେ ଦକ୍ଷ ଅଭିନେତ୍ରୀ ଭାବରେ ପରିଚିତ କରାଇ ପାରିଥିଲେ। ଖେଚୁଡ଼ି ଏବଂ ଆଚାର ହେଉଛି ତାଙ୍କର ପସନ୍ଦୀୟ ଖାଦ୍ୟ। ତା’ସହ ସେ ଚିଜ୍ବର୍ଗର ଖାଇବାକୁ ଭଲ ପାଆନ୍ତି।
