ବନ୍ତଳା,୨୧।୫(ଡି.ଏନ.ଏ.)- ଚଳିତ ବର୍ଷର ମାଟ୍ରିକ ପରୀକ୍ଷା ଫଳ ମଙ୍ଗଳବାର ସକାଳେ ପ୍ରକାଶ ପାଇଛି। ଅନୁଗୋଳ ଜିଲା ଗାନ୍ଧିମାର୍ଗରେ ଥିବା ସରସ୍ବତୀ ଶିଶୁ ବିଦ୍ୟାମନ୍ଦିରରେ ସମୁଦାୟ ୧୫୨ ଜଣ ଛାତ୍ରୀଛାତ୍ର ପରୀକ୍ଷା ଦେଇଥିଲାବେଳେ ସମସ୍ତେ କୃତକାର୍ଯ୍ୟ ହୋଇଛନ୍ତି। ଏ ୧ରେ ୧୧ ଜଣ ଛାତ୍ରୀଛାତ୍ର ୯୦ ପ୍ରତିଶତରୁ ଊଦ୍ଧର୍ବ ମାର୍କ ରଖିଛନ୍ତି। ଏଥିରେ ସୋୟମ ସରୁପ ପ୍ରଧାନ ସର୍ବାଧିକ ୫୮୮ ମାର୍କ ରଖି ବିଦ୍ୟାଳୟରେ ଟପ୍ପର ହୋଇଛନ୍ତି।
ସେହିପରି ଅମରଜିତ ପଟ୍ଟନାୟକ ଓ ମୁକେଶ କୁମାର ସାହୁ ଉଭୟ ୫୫୪ ମାର୍କ ରଖି ଦ୍ୱିତୀୟ ସ୍ଥାନ ହାସଲ କରିଛନ୍ତି। ଅଭିଜିତ ସାହୁ ଓ କହ୍ନେୟା ଲାଲ ସାହୁ ୫୪୭ ମାର୍କ ରଖି ତୃତୀୟ ସ୍ଥାନରେ ଅଛନ୍ତି। ସେହିପରି ଦିବ୍ୟସ୍ବରୂପ ପ୍ରଧାନ ଓ ଜ୍ୟୋତ୍ରିମୟୀ ବାରିକ ୫୪୦ ମାର୍କ ୯୧ ପ୍ରତିଶତ, ସୁଲିପ୍ସା ଜେନା ୯୦.୩୩ ପ୍ରତିଶତ, ଆଶିଷ କୁମାର ଦେହୁରୀ ଓ ମନୋରଞ୍ଜନ ସାହୁ ୯୦ ପ୍ରତିଶତ ମାର୍କ ରଖିଛନ୍ତି। ସେହିପରି ଏ ୨ ରେ ୨୩ ଜଣ, ବି୧ ରେ ୩୯ ଜଣ, ବି୨ ରେ ୩୭ ଜଣ, ସିରେ ୨୯ ଜଣ, ଡିରେ ୧୧ ଜଣ, ଇରେ ୨ ଜଣ ପାସ କରିଛନ୍ତି। ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଅନୀଲ କୁମାର ଦେହୁରୀଙ୍କ ସହିତ ପରିଚାଳନା କମିଟିର ସଭାପତି, ସମ୍ପାଦକ ଓ ସମସ୍ତ ଗୁରୁଜୀଗୁରୁମା କୃତୀ ଛାତ୍ରୀଛାତ୍ରଙ୍କୁ ଶୁଭେଚ୍ଛା ଜଣାଇଛନ୍ତି। ଫଟୋ