ନୂଆଦିଲ୍ଲୀ,୨୬।୮: ଆସନ୍ତା ୨୯ ତାରିଖରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଲଦାଖ ଗସ୍ତରେ ଯିବାର କାର୍ଯ୍ୟକ୍ରମ ରହିଛି। ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ଉଚ୍ଛେଦ ପରେ ପ୍ରତିରକ୍ଷା ମନ୍ତ୍ରୀଙ୍କର ଏହା ପ୍ରଥମ ଉଚ୍ଚ ସ୍ତରୀୟ ଗସ୍ତ ହେବ ବୋଲି କୁହାଯାଉଛି। ଏହି ଗସ୍ତ ସମୟରେ ରାଜନାଥ ଶାନ୍ତି ପ୍ରତିଷ୍ଠା ପାଇଁ ଉଭୟ ସ୍ଥାନୀୟ ଜନତା ଓ ସେଠାରେ ମୁତୟନ ଥିବା ସେନା ଅଧିକାରୀଙ୍କ ସହ କଥା ହେବେ ବୋଲି ଅନୁମାନ କରାଯାଉଛି। ସୂଚନାଯୋଗ୍ୟ, ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ଉଚ୍ଛେଦ ପରେ ସେଠାରେ ଶାନ୍ତିର ବାତାବରଣ ବଜାୟ ରଖିବାକୁ କୌଣସି ନେତାଙ୍କୁ ଗସ୍ତ କରିବାକୁ ଅନୁମତି ଦିଆଯାଉ ନ ଥିଲା। ଏମିତିକି ଦୁଇ ଦିନ ତଳେ ରାହୁଲ ଗାନ୍ଧୀଙ୍କ ସମେତ କଂଗ୍ରେସର ପ୍ରାୟ ୧୨ ଜଣ ନେତା ଜମ୍ମୁ ଗସ୍ତ କରିଥିବା ସମୟରେ ସେମାନଙ୍କୁ ବିମାନ ବନ୍ଦରରୁ ଫେରାଇ ଦିଆଯାଇଥିଲା।