ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ନ୍ୟୁଜିଲାଣ୍ଡରେ ସ୍ତ୍ରୀ ଅନୁଷ୍କା ଶର୍ମାଙ୍କ ସହ ଭାଲେଣ୍ଟାଇନ୍ସ ଡେ’ ପାଳନ କରିଛନ୍ତି। ଭାରତୀୟ ଦଳ ଏବେ ନ୍ୟୁଜିଲାଣ୍ଡ ଗସ୍ତରେ ଅଛି। ଟି୨୦ ସିରିଜକୁ ୫-୦ରେ କ୍ଲିନ୍ସୁଇପ୍ କରିବା ପରେ ୩-୦ରେ ଦିନିକିଆ ସିରିଜ ପରାଜୟବରଣ କରିଛି ଟିମ୍ ଇଣ୍ଡିଆ। ଫେବୃୟାରୀ ୨୧ରୁ ଘରୋଇ ଦଳ ବିପକ୍ଷରେ ଟେଷ୍ଟ ସିରିଜ୍ ଖେଳାଯିବାକୁ ଥିବାବେଳେ ଏହାପୂର୍ବରୁ ବିରାଟବାହିନୀ ରିଲାକ୍ସ ମୁଡ୍ରେ ନଜର ଆସିଛନ୍ତି। ବିରୁଷ୍କା ନ୍ୟୁଜିଲାଣ୍ଡର ବିଭିନ୍ନ ସ୍ଥାନ ବୁଲିଯାଇ ସୋସିଆଲ ମିଡିଆରେ ଫଟୋ ଶେୟାର କରିଛନ୍ତି। ଫିଲ୍ମ ଶୁଟିଂରେ ବ୍ୟସ୍ତ ଥିବା ଯୋଗୁ ଗସ୍ତ ଆରମ୍ଭରୁ ବିରାଟଙ୍କ ସହ ଯାଇପାରି ନ ଥିଲେ ଅନୁଷ୍କା। ଭାଲେଣ୍ଟାଇନସ ଡେ’ ପାଳନ ପାଇଁ ଅନୁଷ୍କା ଶୁଟିଂରେ ବିରତି ନେଇ ନ୍ୟୁଜିଲାଣ୍ଡରେ ପହଞ୍ଚିଛନ୍ତି। ଦଳର ଅନ୍ୟ ଖେଳାଳିମାନେ ମଧ୍ୟ ବିଭିନ୍ନ ସ୍ଥାନ ବୁଲି ଫଟୋ ଶେୟାର କରୁଥିବାର ଦେଖାଯାଇଛି।