ଜୁନାଗଡ଼,୧୩ା୫(ଡି.ଏନ୍.ଏ.): କଳାହାଣ୍ଡି ଜିଲା ଜୁନାଗଡ ବ୍ଲକ ବଳଦିଆମାଲ ତଳପଡାର ରଘୁମଣି ନାଏକ(୪୨)। ବହୁଦିନ ହେବ ସେ ବିଛଣାରେ ପଡି ରହିଛନ୍ତି ା ଅନ୍ତଃନଳୀରେ ଘା ଯୋଗୁ ସେ ଉଠିବସି ପାରୁ ନାହାନ୍ତି। କେବଳ ଦିନରାତି ଶୋଇବା ଛଡ଼ା ତାଙ୍କ ପାଖରେ ଅନ୍ୟ କୌଣସି ଚାରା ନାହିଁ ା ଅସ୍ତ୍ରୋପଚାର କଲେ ସେ ଆରୋଗ୍ୟ ହେବେ ବୋଲି ଡାକ୍ତର କହିଛନ୍ତି। ହେଲେ ଅର୍ଥାଭାବରୁ ଅସ୍ତ୍ରୋପଚାର ହୋଇ ପାରୁନାହିଁ। ଏହାକୁ ନେଇ ତାଙ୍କ ପରିବାର ଲୋକେ ଚିନ୍ତାରେ ପଡିଛନ୍ତି। କୌଣସି ସହୃଦୟ ବ୍ୟକ୍ତିଙ୍କ ସାହାଯ୍ୟ କିମ୍ବା ସରକାରୀ ସହାୟତାକୁ ସେମାନେ ଅପେକ୍ଷା କରିଛନ୍ତି ା
ଦିନଥିଲା ରଘୁମଣି ଜୁନାଗଡ ସହରରେ ଟ୍ୟାକ୍ସି ଡ୍ରାଇଭର ଭାବେ କାମ କରୁଥିଲେ। ଦିନେ ହଠାତ୍ ତାଙ୍କ ପେଟରେ ଯନ୍ତ୍ରଣା ହେଲା ା ପରିବାର ଲୋକେ ତାଙ୍କୁ ସ୍ଥାନୀୟ ଡାକ୍ତରଖାନାକୁ ନେଇଥିଲେ। ପରେ ସ୍ଥାନୀୟ ଡାକ୍ତରଙ୍କ ପରାମର୍ଶ ଅନୁଯାୟୀ ତାଙ୍କୁ କଟକର ଏକ ଘରୋଇ ହସ୍ପିିଟାଲକୁ ସ୍ଥାନାନ୍ତର କରାଯାଇଥିଲା। ସେଠାରେ ପରୀକ୍ଷା ପରେ ରଘୁମଣିଙ୍କ ଅନ୍ତଃନଳୀରେ ଘା ହୋଇଥିବା ଜଣାପଡିଥିଲା। ଅସ୍ତ୍ରୋପଚାର କଲେ ତାହା ଭଲ ହୋଇଯିବ ବୋଲି ଡାକ୍ତର ପରିବାର ଲୋକଙ୍କୁ କହିଥିଲେ। ହେଲେ ଅସ୍ତ୍ରୋପଚାର ପାଇଁ ଆବଶ୍ୟକ ଟଙ୍କା ନ ଥିବାରୁ ପରିବାର ଲୋକେ ରଘୁମଣିଙ୍କୁ ଧରି ଘରକୁ ଫେରି ଆସିଥିଲେ। ଏଥିପୂର୍ବରୁ ରଘୁମଣିଙ୍କ ଚିକିତ୍ସା ଓ ବିଭିନ୍ନ ସ୍ବାସ୍ଥ୍ୟ ପରୀକ୍ଷା ପାଇଁ ତାଙ୍କ ଭାଗରେ ପଡିଥିବା ଜମିକୁ ପରିବାର ଲୋକେ ବିକ୍ରି କରିଦେଇଥିଲେ। ଏବେ ପରିବାର ଲୋକଙ୍କ ପାଖରେ କିଛି ବି ନାହିଁ, ଯାହାକୁ ବିକ୍ରିବଟା କରି ଚିକିତ୍ସା ଖର୍ଚ୍ଚ ଉଠାଇବେ। ପରିବାରର ଜଣେ ମାତ୍ର ରୋଜଗାରକ୍ଷମ ବ୍ୟକ୍ତି ରଘୁମଣି । ସେ ଅସୁସ୍ଥ ହେବା ପରେ ଘର ଚଳିବା କଷ୍ଟକର ହୋଇପଡିଛି। ଆବାସ ଯୋଜନାରେ ରଘୁମଣିଙ୍କୁ ମିଳିଛି ଏକ ପକ୍କା ଘର। ପଞ୍ଚାୟତ ତରଫରୁ ମିଳୁଛି ମାସିକ ମାତ୍ର ୨୫କେଜି ଚାଉଳ। ସ୍ତ୍ରୀ ଲକ୍ଷ୍ମୀ, ବଡ ଝିଅ ଡଲି, ପୁଅ ସୁରଜ ଓ ବୃଦ୍ଧା ମା’ ସୁବାସିନୀ ଏହି ପରିସ୍ଥିତିରେ କ’ଣ କରିବେ ଚିନ୍ତାରେ ପଡିଛନ୍ତି। ଏପଟେ ଚିକିତ୍ସା ଅଭାବରୁ ରଘୁମଣିଙ୍କ ସ୍ବାସ୍ଥ୍ୟାବସ୍ଥା ଦିନକୁ ଦିନ ଗୁରୁତର ହେବାରେ ଲାଗିଛି। ତାଙ୍କ ଚିକିତ୍ସା ପାଇଁ କୌଣସି ବଦାନ୍ୟ ବ୍ୟକ୍ତି ତଥା ପ୍ରଶାସନ ସହାୟତା ଯୋଗାଇ ଦେବାକୁ ପରିବାରବର୍ଗ ନିବେଦନ କରିଛନ୍ତି।