ଚାନ୍ଦବାଲି,୧୮ା୬(ଡି.ଏନ.ଏ)-ଦୁଇଦଫା ଦାବି ନେଇ ଭଦ୍ରକ ଜିଲା ଚାନ୍ଦବାଲିରେ ଥିବା ଅନ୍ତ ର୍ଦେଶୀୟ ଜଳ ପରିବହନ ସଂସ୍ଥା (ଆଇଡବ୍ଲ୍ୟଟି)ର ୧୨ ଜଣ ଯାନ୍ତ୍ରିକ କର୍ମଚାରୀ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି। ଗତ ଶନିବାର କାର୍ଯ୍ୟାଳୟ ଉପରେ ଲୋକଙ୍କ ଚଢାଉ ନେଇ ସେମାନେ ମୁଖ୍ୟତଃ ନିଜର ସୁରକ୍ଷା ପ୍ରଶ୍ନ ଉଠାଇଛନ୍ତି।
ଉଲେଖନୀୟ ଯେ, ଚାନ୍ଦବାଲି ଏନଏସି ଅନ୍ତର୍ଗତ ପାଞ୍ଚପଡା ଗାଁର ଜିତୁନ ଦାସ ଶନିବାର ଲଞ୍ଚ ଘାଟରୁ ବୈତରଣୀ ନଦୀକୁ ଡେଇଁ ଆତ୍ମହତ୍ୟା କରିଥିଲେ। ସେ ବୁଡି ଯିବା ବେଳେ ତାଙ୍କୁ ଉଦ୍ଧାର କରିବା କାମରେ ଲଞ୍ଚ କର୍ମଚାରୀଙ୍କ ଅବହେଳା କରିଥବବା ଅଭିଯୋଗ ଆଣି କେତେକ ସ୍ଥାନୀୟ କେତେକ ଘଟଣାସ୍ଥଳରେ ଉପସ୍ଥିତ ୩ ଜଣ ଲଞ୍ଚ କର୍ମଚାରୀଙ୍କୁ ମାଡ଼ ମାରିବା ସହିତ ଅଫିସରେ ପଶି ଆସବାବପତ୍ର ଫିଙ୍ଗା ଫୋପାଡି କରିଥିଲେ। ଚାନ୍ଦବାଲି ପୋଲିସ୍ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା। ବିନା ଦୋଷରେ ଲଞ୍ଚ କର୍ମଚାରୀଙ୍କୁ ଆକ୍ରମଣ କରାଯିବା ପ୍ରତିବାଦରେ କର୍ମଚାରୀ ସମୂହ ମଙ୍ଗଳବାର ଅଫିସ ସମ୍ମୁଖରେ ଧାରଣାରେ ବସି ସେମାନଙ୍କୁ ସୁରକ୍ଷା ଯୋଗାଇବା ଓ ମାଡ଼ ମରାଯିବା ଘଟଣାରେ ସଂପୃକ୍ତ ଅଭିଯୁକ୍ତଙ୍କୁ ଗିରଫ ଦାବି କରିଛନ୍ତି। ଏହି ଆନ୍ଦୋଳନ ଯୋଗୁ ଲଞ୍ଚ ଚଳାଚଳ ବାଧାପ୍ରାପ୍ତ ହୋଇଛି ା