ଓ୍ବେଲିଂଟନ,୧୦।୨- ଟିମ୍ ଇଣ୍ଡିଆ ବିପକ୍ଷ ୩ ମ୍ୟାଚ୍ ବିଶିଷ୍ଟ ସିରିଜ୍କୁ ଆଗୁଆ ଜିତି ନେଇଥିବା ନ୍ୟୁଜିଲାଣ୍ଡ ଦଳ ଅନ୍ତିମ ମ୍ୟାଚ୍ ପୂର୍ବରୁ ଦଳରେ ପରିବର୍ତ୍ତନ କରିଛି। ଲେଗ୍ ସ୍ପିିନର ଇଶ ସୋଧି ଓ ପେସର ବ୍ଲେର ଟିକନରଙ୍କୁ ଦଳରେ ସାମିଲ କରାଯାଇଛି। ଭାରତ ଏ’ ସହ ୪ ଦିନିକିଆ ମ୍ୟାଚ୍ ଖେଳୁଥିବା ସୋଧି ଓ ଟିକନର ନ୍ୟୁଜିଲାଣ୍ଡ ଏ’ ଜାତୀୟ ଦଳ ପାଇଁ ପଠାଇଛି। ଦୁହେଁ ଅସୁସ୍ଥ ଥିବା ଟିମ୍ ସୌଦି ଓ ମିଚେଲ ସାଣ୍ଟନରଙ୍କ ସ୍ଥାନ ନେବେ। ଅକଲାଣ୍ଡ ଦିନିକିଆରେ ଅସୁସ୍ଥତା ସତ୍ତ୍ୱେ ସୌଦି ୧୦ ଓଭର ବୋଲିଂ କରିଥିଲେ। ଅବଶ୍ୟ ସେ ବାରମ୍ବାର ଫିଲ୍ଡ ଛାଡ଼ି ଡ୍ରେସିଂ ରୁମକୁ ଯାଇଥିଲେ। ଏଥିଯୋଗୁ ଦଳୀୟ ସାଥି ଖେଳାଳିମାନେ ପ୍ରଶଂସା କରିଥିଲେ। କାନ୍ଧ ଜନିତ ଆହତ ସମସ୍ୟା କାରଣରୁ ସିରିଜ୍ର ପ୍ରଥମ ଦୁଇ ମ୍ୟାଚ୍ରେ ଖେଳି ନ ଥିବା ଅଧିନାୟକ କେନ ଓ୍ବିଲିୟମସନ ଫିଟ୍ନେସ ଟେଷ୍ଟର ସମ୍ମୁଖୀନ ହେବେ। ୧୧ ତାରିଖରେ ମାଉଣ୍ଟମାଙ୍ଗାନୁଇଠାରେ ଦିନିକିଆ ସିରିଜ୍ର ଅନ୍ତିମ ମ୍ୟାଚ୍ ଖେଳିଯିବ। ଏହାପରେ ୨୧ ତାରିଖରୁ ଦୁଇ ମ୍ୟାଚ୍ ବିଶିଷ୍ଟ ସିରିଜ୍ ଆରମ୍ଭ ହେବ।