ଅନ୍ଧାରରେ ମଣ୍ଡଳ ମଣ୍ଡି
4:18 pmDecember 22, 2019December 22, 2019 / 09

ଭବାନୀପାଟଣା,୨୨।୧୨(ଡି.ଏନ୍‌.ଏ.): କଳାହାଣ୍ଡି ଜିଲା କଲମପୁର ବ୍ଲକ ମଣ୍ଡଳ ଧାନମଣ୍ଡିରେ ଆଲୋକ ବ୍ୟବସ୍ଥା ନ ଥିବା ଅଭିଯୋଗ ହେଉଛି। ଏ ନେଇ ରାତିରେ ଚାଷୀ ଏବଂ ଶ୍ରମିକମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିବା କହିଛନ୍ତି। ଅନ୍ଧାର ସୁଯୋଗ ନେଇ ବସ୍ତାରେ ଥିବା ଧାନ ଚୋରି ହେବାର ଆଶଙ୍କା ରହିଛି । ଏ ନେଇ ଆର୍‌ଏମ୍‌ସି ଏବଂ ପ୍ୟାକ୍ସ କର୍ମଚାରୀଙ୍କୁ ବାରମ୍ବାର ଅଭିଯୋଗ କରାଯାଉଥିଲେ ମଧ୍ୟ ଏଥିପ୍ରତି କେହି ଗୁରୁତ୍ୱ ଦେଉ ନ ଥିବା ସେମାନେ କହିଛନ୍ତି । ଆର୍‌ଏମ୍‌ସି କର୍ମଚାରୀ ରାହାସ ଧଙ୍ଗଡାମାଝିଙ୍କୁ ପଚାରିବାରୁ ଅସ୍ଥାୟୀ ମଣ୍ଡିରେ ପ୍ୟାକ୍ସ ନିଜେ ଆଲୁଅ ବ୍ୟବସ୍ଥା କରିବା କଥା ବୋଲି କହିଛନ୍ତି।