ତରୌବା,୧୦।୮- ବାମହାତୀ ସ୍ପିନର ଶାହାବାଜ ନଦିମ ୫ ଉଇକେଟ ଅକ୍ତିଆର କରିିବା ସତ୍ତ୍ୱେ ଭାରତ ଏ’ ବିପକ୍ଷ ତୃତୀୟ ତଥା ଅନ୍ତିମ ଅନ୍ଅଫିସିଆଲ ଟେଷ୍ଟକୁ ଓ୍ବେଷ୍ଟଇଣ୍ଡିଜ ଏ’ ଅମୀମାଂସିତ ରଖିବାକୁ ସକ୍ଷମ ହୋଇଛି। ମ୍ୟାଚ୍ର ପ୍ରଥମ ଇନିଂସରେ ଭାରତ ଏ’ ୨୦୧ ରନ୍ କରିଥିବାବେଳେ ଓ୍ବେଷ୍ଟଇଣ୍ଡିଜ ଏ’ ୧୯୪ ରନ୍ରେ ସୀମିତ ରହିଥିଲା। ୭ ରନ୍ର ଅଗ୍ରଣୀ ହାସଲ କରିଥିବା ଭ୍ରମଣକାରୀ ଦଳ ଦ୍ୱିତୀୟ ଇନିଂସରେ ୩୬୫ ରନ୍ କରି ପାଳି ଘୋଷଣା କରିଥିଲା। ଫଳରେ ଘରୋଇ ଦଳ ଆଗରେ ୩୭୩ ରନ୍ର ବିଜୟଲକ୍ଷ୍ୟ ଧାର୍ଯ୍ୟ ହୋଇଥିଲା। ବିନା କ୍ଷତିରେ ୩୭ରନ୍ରୁ ଅସମାପ୍ତ ଦ୍ୱିତୀୟ ଇନିଂସ ସ୍କୋର ବ୍ୟାଟିଂ ଆରମ୍ଭ କରିଥିବା ଓ୍ବେଷ୍ଟଇଣ୍ଡିଜ ଏ’ର ବ୍ୟାଟ୍ସମ୍ୟାନମାନେ ଧୈର୍ଯ୍ୟର ସହ ବ୍ୟାଟିଂ କରିଥିଲେ। ଦଳ ଦିବସ ଶେଷ ପର୍ଯ୍ୟନ୍ତ ବ୍ୟାଟିଂ କରି ୬ ଉଇକେଟ ହରାଇ ୩୧୪ ରନ୍ କରିବାକୁ ସମର୍ଥ ହୋଇଥିଲା। ଦଳ ପକ୍ଷରୁ ଜେରେମି ସେଲୋଜାନୋ ୯୨, ବ୍ରେଣ୍ଡନ କିଙ୍ଗ ୭୭ ଓ ସୁନିମ ଆମ୍ବ୍ରିସ ୬୯ ରନ୍ କରିଥିଲେ। ଭାରତୀୟ ବୋଲରଙ୍କ ମଧ୍ୟରେ କେବଳ ନଦିମ ସଫଳ ହୋଇଥିଲେ। ସେ ୫ ଉଇକେଟ ନେଇଥିଲେ। ଏଥିସହିତ ଭାରତ ୨-୦ ବ୍ୟବଧାନରେ ଅନ୍ଅଫିସିଆଲ ସିରିଜ୍ ଜିତି ନେଇଛି।