ଚେନ୍ନାଇ,୨୮।୧୨: ବଜର୍ର୍ୟବସ୍ତୁ ପରିଚାଳନା ନେଇ ଚେନ୍ନାଇରେ ଅନ୍ଲାଇନ୍ କାରବାର ଆରମ୍ଭ ହୋଇଛି। ଏଥିରେ ୯ ଶହରୁ ଅଧିକ ଲୋକ କାର୍ଯ୍ୟ କରୁଛନ୍ତି। ଗ୍ରେଟର ଚେନ୍ନାଇ କର୍ପୋରେଶନ ସହଯୋଗରେ ମାଡ୍ରାସ୍ ଓ୍ବେଷ୍ଟ୍ ଏକ୍ସଚେଞ୍ଜ୍ ପୋର୍ଟାଲ୍ ନିର୍ମିତ ହୋଇଛି। ବର୍ଜ୍ୟବସ୍ତୁକୁ ବାହାରେ ନ ଫୋପାଡ଼ି ଏହାକୁ ଅନ୍ଲାଇନ୍ରେ ବିକ୍ରି କଲେ ଲୋକଙ୍କୁ ଏହାର ଉପଯୁକ୍ତ ଦାମ୍ ପ୍ରଦାନ କରାଯାଉଛି। ସହରକୁ ସ୍ବଚ୍ଛ ଏବଂ ନିର୍ମଳ ରଖିବା ପାଇଁ ଏପରି କରାଯାଇଛି। ଏହି ପୋର୍ଟାଲରେ ଇତିମଧ୍ୟରେ ୭ ଶହ କ୍ରେତା ଏବଂ ୨ଶହ ବିକ୍ରେତାଙ୍କୁ ପଞ୍ଜିକରଣ କରାଯାଇଛି। ଏହାଦ୍ୱାରା ପରିବେଶ ସୁରକ୍ଷିତ ରହିବା ସହିତ ବର୍ଜ୍ୟବସ୍ତୁ ଜମା ହୋଇ ରହିବ ନାହିଁ ବୋଲି ଗ୍ରେଟର ଚେନ୍ନାଇ କର୍ପୋରେଶନ ପକ୍ଷରୁ କୁହାଯାଇଛି।