କୋଟା,୧୭।୧୨: ବଲିଉଡ୍ ଅଭିନେତ୍ରୀ ପାୟଲ ରୋହତଗି ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କୁ ନେଇ ବିବାଦୀୟ ଟିପ୍ପଣି ଦେଇଥିବା ମହଙ୍ଗା ପଡିଛି। ଏହି ମାମଲାରେ ତାଙ୍କୁ ସୋମବାର ଜେଲ୍ ପଠାଇ ଦିଆଯାଇଥିବା ବେଳେ ସୋମବାର ସେ ରାଜସ୍ଥାନର ଏକ ଜେଲ୍ରେ ପ୍ରଥମ ରାତି ଅପରାଧିମାନଙ୍କ ସହ କାଟିଥିବା ଜଣାପଡିଛି। ଏବେ ତାଙ୍କୁ ବିଚାର ବିଭାଗୀୟ ହାଜତରେ ରଖାଯାଇଥିବା ବେଳେ ପ୍ରଥମ ଦିନ ତାଙ୍କୁ ସାଧାରଣ ଖାଦ୍ୟ ଦିଆଯାଇଛି। ଏହାସହ ଲୁଟ୍ ଓ ହତ୍ୟା ଘଟଣାରେ ସମ୍ପୃକ୍ତ ମହିଳା କଏଦୀଙ୍କ ସହ ତାଙ୍କୁ ରାତି କାଟିବାକୁ ପଡିଛି। ସୂଚନାଯୋଗ୍ୟ, ସୋମବାର ପାୟଲଙ୍କୁ ବୁନ୍ଦି ସେଣ୍ଟ୍ରାଲ ଜେଲ୍କୁ ଅଣାଯାଇଥିଲା। ସେଠାରେ ଆଡିଶନାଲ ଚିଫ୍ ଜୁଡିସିଆଲ ମାଜିଷ୍ଟ୍ରେଟ୍ ତାଙ୍କ ଜାମିନ ଆଦେନକୁ ଖାରଜ କରି ଦେଇଥିଲେ।