ପୁଣେ,୧୦।୧୦:ମହାରାଷ୍ଟ୍ରର ବିଡ୍ ଜିଲାପାଳ ଆସ୍ତିକ ପାଣ୍ଡେ ଏକ ନିଆରା କାର୍ଯ୍ୟ ପାଇଁ ଚର୍ଚ୍ଚାର ପରିସରକୁ ଆସିଛନ୍ତି। ନିଜ ଅଫିସରେ ପ୍ଲାଷ୍ଟିକ ବ୍ୟବହାର ହେବାରୁ ଏଥିପାଇଁ ନିଜକୁ ଦାୟୀ କରି ନିଜ ଉପରେ ୫ ହଜାର ଟଙ୍କା ଜରିମାନା ଲଗାଇଛନ୍ତି। ସୂଚନାଯୋଗ୍ୟ, ଗତ ସୋମବାର ସନ୍ଧ୍ୟାରେ ଜିଲା ପ୍ରଶାସନ ପକ୍ଷରୁ ଏକ ଖବରଦାତା ସମ୍ମିଳନୀ ଆୟୋଜନ କରାଯାଇଥିଲା। ଖବର ସଂଗ୍ରହ ପାଇଁ ଆସିଥିବା ଖବରଦାତାଙ୍କୁ ପ୍ଲାଷ୍ଟିକ୍ କପ୍ରେ ଚା’ ଦିଆଯାଇଥିଲା। ଦେଶରେ ପ୍ଲାଷ୍ଟିକ୍ ଉପରେ କଟକଣା ଲଗାଯାଇଥିବାରୁ ଏହା ନିୟମ ଉଲଂଘନ ବୋଲି ଜଣେ ଖବରଦାତା ଜିଲାପାଳଙ୍କୁ କହିଥିଲେ। ଫଳରେ ଜିଲାପାଳ ନିଜ ଭୁଲ ବୁଝିପାରି କେବଳ କ୍ଷମା ମାଗିଥିଲେ ତା’ ନୁହେଁ, ନିଜ ଉପରେ ୫ ହଜାର ଟଙ୍କା ଜରିମାନା ଲଗାଇଥିଲେ। ଜିଲାପାଳଙ୍କ ଏଭଳି ନିଷ୍ପତି ଯୋଗୁ ସେ ରାତାରାତି ସୋସିଆଲ ମିଡିଆରେ ଷ୍ଟାର ପାଲଟିଯାଇଛନ୍ତି। ଯୁଜର୍ସ ତାଙ୍କୁ ଖୁବ୍ ପ୍ରଶଂସା କରିଛନ୍ତି।