ଯୋଡ଼ା, ୧୭।୯ (ଡି.ଏନ୍.ଏ.): କେନ୍ଦୁଝର ଜିଲା ଯୋଡା ସହର ମେନ୍ ରୋଡ୍ ତଥା ଓାର୍ଡ ନଂ. ୪ରେ ଥିବା ବ୍ୟବସାୟୀ ରବି ନାରାୟଣ ଦାସଙ୍କ ଅଫିସରେ ସୋମବାର ୨ ଦୁର୍ବୃତ୍ତ ପଶି ବଟି ମାଗିବା ସହ ଭଙ୍ଗାରୁଜା କରିଥିଲେ। ଏ ନେଇ ରବି ଯୋଡା ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇ ପୋଲିସ କେସ୍ ନଂ. ୧୫୦/୧୯ରେ ମାମଲା ରୁଜୁକରି ତଦନ୍ତ ଚଳାଇଥିଲା। ମଙ୍ଗଳବାର ଏହି ଘଟଣାରେ ପୋଲିସ ୨ ଅଭିଯୁକ୍ତଙ୍କୁ ଗିରଫ ପରେ କୋର୍ଟ ଚାଲାଣ କରିଛି। ସେମାନେ ହେଲେ ଆଜାଦ ବସ୍ତି ଅଞ୍ଚଳର ଦାଉ ମୁଣ୍ଡା ଏବଂ କୁନ୍ଦୁରୁନାଲା ଅଞ୍ଚଳର ବାବୁଲି ମୁଣ୍ଡା। ଏ ନେଇ ପୋଲିସ ପକ୍ଷରୁ ତଦନ୍ତକାରୀ ଅଧିକାରୀ ବି.ଡି. ନାଏକ ସୂଚନା ଦେଇଛନ୍ତି।