ରାୟପୁର,୮।୭: ଛତିଶଗଡ଼ର ମାଓବାଦୀ ପ୍ରବଣ ଅଞ୍ଚଳ ଅବୁଝମାଡ୍ରେ କେତେ ଗାଁ ରହିଛି ସେ ନେଇ କୌଣସି ତଥ୍ୟ ସରକାରଙ୍କ ପାଖରେ ନାହିଁ। ଘନ ଜଙ୍ଗଲ ଦ୍ୱାରା ପରିବେଷ୍ଟିତ ଏହି ଅଞ୍ଚଳର ରାଜସ୍ବ ସର୍ଭେ ପାଇଁ ମୋଗଲ ଶାସନ ସମୟରେ ପ୍ରୟାସ କରାଯାଇଥିଲା। ତେବେ ତାହା ହୋଇ ପାରି ନ ଥିଲା। ପରେ ବ୍ରିଟିଶ୍ ଶାସନ ସମୟରେ ମଧ୍ୟ ଏନେଇ ଚେଷ୍ଟା କରାଯାଇଥିଲେ ମଧ୍ୟ ସଫଳତା ମିଳି ନ ଥିଲା। ବସ୍ତର ଜିଲାର ସଭାଙ୍ଗ ଅନ୍ତର୍ଗତ ଅବୁଝମାଡ୍ରେ ଏପର୍ଯ୍ୟନ୍ତ ବାସ୍ତବ ରାଜସ୍ବ ସର୍ଭେ ହୋଇ ପାରିନାହିଁ। ୨୦୧୬ ଅକ୍ଟୋବରରେ ସରକାର ଆଇଆଇଟି ରୁକ୍କୀ ସହାୟତାରେ ଭୌଗୋଳିକ ସୂଚନା ପ୍ରଣାଳୀ ତଥା ଉପଗ୍ରହ ଦ୍ୱାରା ଏଠାରେ ୨୩୭ ଗାଁକୁ ଚିହ୍ନଟ କରିଥିଲେ। ତେବେ ଗାଁରେ ପହଞ୍ଚି କୌଣସି ରାଜସ୍ବ ଅଧିକାରୀ ଏହାର ବାସ୍ତବ ସର୍ଭେ କରି ନ ଥିବା କୁହାଯାଉଛି।