ନୂଆଦିଲ୍ଲୀ,୨୨।୪: ଦେଶର ଅଭିବୃଦ୍ଧି ଫେରାଇ ଆଣାଯିବ ବୋଲି ଶିଳ୍ପଜଗତ ସହ ମିଳିତ ହୋଇ କାମ କରୁଥିବା ଇନ୍ଭେଷ୍ଟ ଇଣ୍ଡିଆର ଏମ୍ଡି ତଥା ସିଇଓ ଦୀପକ ବାଗଲା କହିଛନ୍ତି। ବର୍ତ୍ତମାନର ଚ୍ୟାଲେଞ୍ଜିଂ ସମୟରେ ବାଣିଜ୍ୟ ମନ୍ତ୍ରଣାଳୟ ଏହି ଏଜେନ୍ସି ବିଭିନ୍ନ ପଦକ୍ଷେପ ହାତକୁ ନେଇଛି। ଭାରତ-କାନାଡା ବିଜ୍ନେସ କରିଡରର ୧୫୦ ଅଂଶୀଦାରଙ୍କୁ ଏକ ଓ୍ବେବିନାରରେ ସେ ସମ୍ବୋଧିତ କରିଛନ୍ତି। ଇଣ୍ଡୋକାନାଡିଆନ ବିଜ୍ନେସ ଚାମ୍ବର ପକ୍ଷରୁ ଅନୁଷ୍ଠିତ ଏହି କାର୍ଯ୍ୟକ୍ରମରେ ଦ୍ୱିପାକ୍ଷିକ ବାଣିଜ୍ୟ ନେଇ ବିଭିନ୍ନ ଆଲୋଚନା କରାଯାଇଛି। ବର୍ତ୍ତମାନର ଚ୍ୟାଲେଞ୍ଜିଂ ସମୟକୁ ନୂଆ ସୁଯୋଗ ଭାବେ ଗ୍ରହଣ କରିବା ଦିଗରେ ପଦକ୍ଷେପ ନିଆଯାଉଥିବା ଚାମ୍ବରର ସିଇଓ ନାଦିରା ହମିଦ କହିଛନ୍ତି।