ମେଘାଳୟର ଅଭୟ ନେଗି ସୟଦ ମୁସ୍ତାକ ଅଲି ଟି୨୦ କ୍ରିକେଟ୍ରେ ଦ୍ରୁତତ୍ତମ ଅର୍ଦ୍ଧଶତକ ହାସଲ କରିବାର ରେକର୍ଡ କରିଛନ୍ତି। ମୁମ୍ବାଇର ଓ୍ବାଙ୍ଖଡେ ଷ୍ଟାଡିୟମରେ ମିଜୋରାମ ବିପକ୍ଷ ମ୍ୟାଚ୍ରେ ୨୭ ବର୍ଷୀୟ ଡାହାଣହାତୀ ବ୍ୟାଟ୍ସମ୍ୟାନ ଅଭୟ ମାତ୍ର ୧୪ ବଲରୁ ୫୦ ରନ ପୂରଣ କରିଥିଲେ। ଏଥିସହ ଭାରତୀୟ ଘରୋଇ ଟି୨୦ କ୍ରିକେଟ୍ ସୟଦ ମୁସ୍ତାକ ଅଲି ଟୁର୍ନାମେଣ୍ଟରେ ରବିନ ଉଥପ୍ପାଙ୍କ ନାମରେ ରହିଥିବା ଦ୍ରୁତତ୍ତମ ଅର୍ଦ୍ଧଶତକ ରେକର୍ଡକୁ ଅଭୟ ଟପିଯାଇଛନ୍ତି। ଏଥିସହ ଭାରତ ମାଟିରେ ଟି୨୦ରେ ଦ୍ରୁତତ୍ତମ ଅର୍ଦ୍ଧଶତକ ହାସଲ କରିବାରେ ସେ ଲୋକେଶ ରାହୁଲଙ୍କ ସହ ସମକକ୍ଷ ହୋଇଛନ୍ତି। ରାହୁଲ ୨୦୧୮ରେ ଆଇପିଏଲ୍ରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ୧୪ ବଲରୁ ୫୦ ରନ ପୂରଣ କରି ଏହି ରେକର୍ଡର ଅଧିକାରୀ ରହିଥିଲେ। (୧୫ ବଲ, ୫୦ ରନ, ୨ ଚୌକା, ୬ ଛକା)ଙ୍କ ଅପରାଜିତ ଇନିଂସ ବଳରେ ମେଘାଳୟ ୨୦ ଓଭରରେ ୭ ଉଇକେଟ୍ ହରାଇ ୨୦୪ ରନ କରିଥିଲା। ଜବାବରେ ଓପନର୍ ତରୁଓ୍ବର କୋହଲି (୯୦ ରନ) ଓ ଅଧିନାୟକ କେ.ବି. ପଓ୍ବାନ (୭୨*)ଙ୍କ ଅର୍ଦ୍ଧଶତକ ବଳରେ ୨୦ ଓଭରରେ ୨ ଉଇକେଟ୍ ହରାଇ ୧୮୨ ରନ କରିଥିଲା।