ମୁମ୍ବାଇ: ଜି-୫ ସାଇକ୍ଲୋଜିକାଲ ଥ୍ରିଲର ଅଭୟର ଦ୍ୱିତୀୟ ଭାଗ ଖୁବ୍ଶୀଘ୍ର ରିଲିଜ୍ ହେବାକୁ ଯାଉଛି। ଏହି ଓ୍ବେବସିରିଜ୍ର ପ୍ରୋମୋ ମଧ୍ୟ ରିଲିଜ୍ ହୋଇସାରିଛି। ଚଳିତ ଥର ସବୁଠାରୁ ଲେକପ୍ରିୟ ଟେଲି କଳାକାର ରାମ କପୁର ଏହି ସିରିଜ୍ରେ ମୁଖ୍ୟ ଚରିତ୍ରରେ ନଜର ଆସିବେ। ଏଥିରେ ତାଙ୍କୁ ଦୁର୍ଦ୍ଦାନ୍ତ ଅପରାଧୀ ଚରିତ୍ରରେ ଦେଖିବାକୁ ମିଳିବ। ତେବେ ରାମଙ୍କ ଏଭଳି ରୂପକୁ ତାଙ୍କ ପ୍ରଶଂସକ କେବେ ଦେଖି ନ ଥିବେ। ସୂଚନାଯୋଗ୍ୟ, ଏହି ଓ୍ବେବସିରିଜ୍ ପ୍ରକୃତ ଅପରାଧ କାହାଣୀ ଉପରେ ଆଧାରିତ ହୋଇଛି। ଅଭିନେତା କୁନାଲ ଖେମୁ ଏହାର ଅଫିସିଆଲ ଟ୍ରେଲର ଶେୟାର କରିଛନ୍ତି। ଏଥିସହ କ୍ୟାପଶନ୍ରେ ଲେଖିଛନ୍ତି, ଏହି ଚୋର ପୋଲିସ ଖେଳରେ ଜଣେ ସଇତାନ ପ୍ରବେଶ କରିଛି। ସେ ସବୁଠାରୁ ଭିନ୍ନ ହୋଇଥିବାରୁ ବିପଦଜନ୍ନକ ମଧ୍ୟ। ତେଣୁ ଏହି ସଇତାନକୁ କନ୍ଦାଇବା ମୋର ଉଦ୍ଦେଶ୍ୟ ନୁହେଁ ବରଂ ମୋର ଜିଦ୍ ବୋଲି କୁନାଲ କହିଛନ୍ତି। ତେବେ କୁନାଲଙ୍କ ଏହି ପୋଷ୍ଟକୁ ଦେଖି ଏବେ ଦର୍ଶକ ଏହାର ରିଲିଜ୍ ଅପେକ୍ଷାରେ ରହିଛନ୍ତି।
