ପାଟଣା,୨୫।୩(ସ୍ବ.ପ୍ର.): ସାରା ବିଶ୍ୱ କରୋନା ଭାଇରସକୁ ନେଇ ଆତଙ୍କିତ ଥିବା ବେଳେ ସରକାର ଓଡ଼ିଶାର ସମସ୍ତ ଜିଲାକୁ ମଙ୍ଗଳବାରଠାରୁ ଲକ୍ଡାଉନ କରିଛନ୍ତି। ଘରଭିତରେ ରହିବାକୁ ପୋଲିସ, ପ୍ରଶାସନ ଓ ସରକାର ଲୋକଙ୍କୁ ବାରମ୍ବାର ସଚେତନ ଓ ନିବେଦନ କରୁଥିଲେ ହେଁ କେତେକ ଲୋକ ଆଇନ ଭାଙ୍ଗି ଘରୁ ବାହାରି ବଜାର ଓ ସର୍ବସଧାରଣ ରାସ୍ତାଘାଟ ଉପରେ ଅଯଥା ଭିଡ଼ ଜମାଉଛନ୍ତି। ଏଭଳି ଅମାନିଆ ଲୋକଙ୍କୁ ବାଟକୁ ଆଣିବା ପାଇଁ ପାଟଣା ଥାନା ଅଧିକାରୀ ସଂଧ୍ୟାରାଣୀ ଜେନା ଓ ଏଏସ୍ଆଇ ଅରୁପ କୁମାର ସାମଲଙ୍କ ତରଫରୁ ବୁଧବାର ପାଟଣା ବ୍ଲକ ଛକରେ ଅଭିନବ ଉପାୟରେ ଲୋକଙ୍କୁ ସଚେତନ କରାଯିବା ପାଇଁ ଉଦ୍ୟମ କରାଯାଇଛି। ଆଇନ ଭାଙ୍ଗି ସାଧାରଣ ସ୍ଥଳୀରେ ଅଯଥା ଭିଡ଼ ଜମାଉ ଥିବା ବ୍ୟକ୍ତିଙ୍କ ହାତରେ ପୋଲିସ ‘ମୁଁ ସ୍ବାର୍ଥପର। ମୁଁ ବୁଲିବା ଚକ୍କରରେ ଦେଶକୁ ବିପଦ ମଧ୍ୟକୁ ଠେଲି ଦେଇ ପାରେ, ଆଉ ଏଥି ପାଇଁ ମୁଁ ଅନୁତପ୍ତ ବି ନୁହେଁ ’ ଲେଖା ଥିବା ପ୍ଲା କାର୍ଡ ଧରାଇ ପୋଲିସ ଲୋକଙ୍କୁ ସଚେତନ କରାଉଛି। ଆଇନ ଭାଙ୍ଗି ନିଜ ଜୀବନ ସହ ଲୋକଙ୍କ ଜୀବନକୁ ବିପନ୍ନ କରୁଥିବା ଲୋକମାନେ ଏଥିରେ କଣ୍ଟ୍ରୋଲ ନହେଲେ ସମ୍ପୃକ୍ତ ବ୍ୟକ୍ତି ବିଶେଷଙ୍କ ବିରୋଧରେ ଶୃଙ୍ଖଳା ଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପାଟଣା ଥାନା ଅଧିକାରୀ ସାରାଣୀ ଜେନା ସୂଚନା ଦେଇଛନ୍ତି।