ଭୁବନେଶ୍ୱର,୬।୪(ବ୍ୟୁରୋ): କରୋନା (କୋଭିଡ୍-୧୯)ର ମୁକାବିଲା ପାଇଁ କେନ୍ଦ୍ର ସରକାର ୨୧ଦିନିଆ ଲକ୍ଡାଉନ୍ ଘୋଷଣା କରିଛନ୍ତି। ଏହାକୁ ଆହୁରି କଡ଼ାକଡ଼ି କରିବା ପାଇଁ ରାଜ୍ୟ ସରକାର ୪୮ ଘଣ୍ଟିଆ ସଡ୍ଡାଉନ୍ କରିଥିଲେ। ସଟ୍ଡାଉନ ଶେଷ ହେବା ପରେ ଅର୍ଥାତ୍ ସୋମବାର ସକାଳେ ରାଜଧାନୀରେ ଅମାନିଆଙ୍କ ଭିଡ଼ ଦେଖିବାକୁ ମିଳିଥିଲା। ସେମାନେ ବିଭିନ୍ନ ବାହାନା ଦେଖାଇ ବାଇକ୍ଧରି ବୁଲୁଥିଲେ। ଏହି ଅମାନିଆଙ୍କୁ ସାବାଡ଼ କରିବା ପାଇଁ ପୋଲିସ ଆକ୍ସନ ମୁଡ଼କୁ ଆସିଛି। ଯେଉଁମାନେ ବିନା କାରଣରେ ବାହାରେ ବୁଲୁଥିଲେ ପୋଲିସ ସେମାନଙ୍କୁ କାରଣ ପଚାରିଥିଲା। କିଛି ଆବଶ୍ୟକ ନ ଥାଇ ବୁଲୁଥିବା ଯୁବକଙ୍କୁ ଧରି ପୋଲିସ ପିଟିବା ସହ ସେମାନଙ୍କ ବାଇକ୍କୁ ଜବତ କରିଛି। ଅପରାହ୍ନ ୧ଟା ସୁଦ୍ଧା ପୋଲିସ ୮୪୭ ବାଇକ୍ ଜବତ କରିଛି। ଜବକ ବାଇକ ମାଲିକଙ୍କଠାରୁ ପୋଲିସ ଫାଇନ ଆଦାୟ କରିବ ବୋଲି ଡିସିପି ଅନୁପ ସାହୁ ସୂଚନା ଦେଇଛନ୍ତି।