କେନ୍ଦୁଝର,୨୦ା୫ (ସ୍ବ.ପ୍ର.)-କେନ୍ଦୁଝର ଜିଲାରେ ଅମ୍ଫନ ବାତ୍ୟାର ପ୍ରଭାବରେ ବୁଧବାର ବର୍ଷା ହୋଇଥିଲା। ସକାଳ ୮ଟା୩୦ରୁ ସନ୍ଧ୍ୟା ୫ ଟା ପର୍ଯ୍ୟନ୍ତ ୨୮୦.୮ ମିମି ବର୍ଷା ରେକର୍ଡ ହୋଇଛି। ସର୍ବାଧିକ ଝୁମ୍ପୁରା ବ୍ଲକରେ ୪୭ ମିମି ବର୍ଷା ହୋଇଥିବା ବେଳେ ଘଷିପୁରା ବ୍ଲକରେ ୪୨.୨ ମିମି, କେନ୍ଦୁଝର ବ୍ଲକରେ ୪୦,୪ ମିମି ବର୍ଷା ରେକର୍ଡ ହୋଇଥିବା ଜଣାପଡିଛି। ହାଟଡିହୀ, ସଦର, ଆନନ୍ଦପୁର ବ୍ଲକ ଅଞ୍ଚଳରେ ଗଛ ଉପୁଡି ପଡିଥିଲ। ଏହି କାରଣରୁ ରାସ୍ତା ଅବରୋଧ ସହିତ ଘର ଭାଙ୍ଗିଥିବା ଜଣାପଡିଛି। ଓଡ୍ରାଫ ଟିମ କେତେକ ଅଞ୍ଚଳରେ ଗଛ କାଟି ସଫା କରିଥିଲେ। ସେହିପରି ଏହାର ପ୍ରଭାବରେ ହରିଚନ୍ଦନପୁର ବ୍ଲକର ଭଗାମୁଣ୍ଡା ଠାରେ ଏକ ପେଟ୍ରୋଲ ପମ୍ପ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି। କିଷାନ ସେବା ଦ୍ୱାରା ପରିଚାଳିତ ଏହି ପେଟ୍ରୋଲ ପମ୍ପର ଛାତ ଭାଙ୍ଗି ତଳେ ପଡିଯାଇଥିଲା।