ଭୁବନେଶ୍ୱର,୨୯ା୧୦(ବ୍ୟୁରୋ): ଜଣାଶୁଣା ବ୍ୟବସାୟୀ ତଥା ଭୁବନେଶ୍ୱର ବାପୁଜୀ ନଗରସ୍ଥିତ ଷ୍ଟାର୍ ଅପ୍ଟିକୋ ଏବଂ ନେତ୍ର ମନ୍ଦିରର ମ୍ୟାନେଜିଂ ପାର୍ଟନର୍ ଅରୁଣ କିଶୋର ଶତପଥୀଙ୍କର ସୋମବାର ଦେହାନ୍ତ ହୋଇଯାଇଛି। ପୂର୍ବାହ୍ନ ୧୧ଟା ୫୦ରେ ଭୁବନେଶ୍ୱରସ୍ଥିତ ଏକ ଘରୋଇ ହସ୍ପିଟାଲରେ ତାଙ୍କର ପରଲୋକ ଘଟିଛି। ତାଙ୍କୁ ୭୧ବର୍ଷ ହୋଇଥିଲା। ଭିମଟାଙ୍ଗୀ ହାଉସିଂ ବୋର୍ଡ କଲୋନୀ ବାସିନ୍ଦା ଅରୁଣଙ୍କ ପୈତୃକ ଘର ପୁରୀ ଜିଲା ବଳଙ୍ଗା ଗ୍ରାମରେ ହୋଇଥିବା ବେଳେ ସେ ଭୁବନେଶ୍ୱରରେ ଜଣେ ପ୍ରତିଷ୍ଠିତ ବ୍ୟବସାୟୀଭାବେ ପରିଚିତ ଥିଲେ। ତାଙ୍କ ସ୍ତ୍ରୀ ମନୋରମା ଶତପଥୀ, ଏକମାତ୍ର ପୁଅ ସତ୍ୟବ୍ରତ ଶତପଥୀ, ପୁତ୍ରବଧୂ ଆଶକ୍ତି ଶତପଥୀ ଓ ୩ ଝିଅ ବନ୍ଦନା ତ୍ରିପାଠୀ, ଈପ୍ସିତା ରଥ, ମଧୁସ୍ମିତା ହୋତା ଏବଂ ଜ୍ୱାଇଁ ଲିଙ୍ଗରାଜ ତ୍ରିପାଠୀ, ରତ୍ନାକର ରଥ, ହିମାଂଶୁ ହୋତା ଅଛନ୍ତି। ସାନ ଜ୍ୱାଇଁ ହିମାଂଶୁ ‘ଧରିତ୍ରୀ’ର ମାର୍କେଟିଂ ହେଡ୍ଭାବେ କାର୍ଯ୍ୟ କରନ୍ତି। ୫ଦିନ ତଳେ ଅରୁଣ ଫୁସ୍ଫୁସ୍ ଜନିତ ରୋଗରେ ପୀଡ଼ିତ ହୋଇ ହଠାତ୍ ଅସୁସ୍ଥ ହୋଇ ପଡ଼ିବାରୁ ତାଙ୍କୁ ସ୍ଥାନୀୟ ଏକ ଘରୋଇ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ହେଲେ ସୋମବାର ପୂର୍ବାହ୍ନରେ ସେ ଇହଧାମ ତ୍ୟାଗ କରିଥିଲେ। ପୁରୀ ସ୍ବର୍ଗଦ୍ୱାରରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା। ପୁତ୍ର ସତ୍ୟବ୍ରତ ମୁଖାଗ୍ନି ଦେଇଥିଲେ।
