ଅହମଦାବାଦ,୧୩ା୭: କର୍ନାଟକରେ ସରକାର ଭାଙ୍ଗିବାକୁ ଭାଜପା ଅର୍ଥବଳ ପ୍ରୟୋଗ କରିବା ସହ ଭୟଭୀତ କରାଉଥିବା କଂଗ୍ରେସ ନେତା ରାହୁଲ ଗାନ୍ଧୀ ଅଭିଯୋଗ କରିଛନ୍ତି। ଶାସକ ମେଣ୍ଟର ୧୬ ବିଧାୟକ ଇସ୍ତଫା ଦେବା ଫଳରେ ସରକାର ଭାଙ୍ଗିବା ଆଶଙ୍କା ସୃଷ୍ଟି ହୋଇଛି। ପୂର୍ବରୁ ଗୋଆ ଏବଂ ଉତ୍ତରପୂର୍ବାଞ୍ଚଳ ରାଜ୍ୟରେ ଭାଜପା ଏଭଳି କରି କ୍ଷମତା ଦଖଲ କରିଥିଲା। ଏବେ ସେହି ସୂତ୍ରକୁ କର୍ନାଟକରେ ପ୍ରୟୋଗ କରୁଛି। ସେମାନଙ୍କ ପାଖରେ ଅର୍ଥ, କ୍ଷମତା ସବୁକିଛି ରହିଛି ଏବଂ ସେମାନେ ତାହାର ଉପଯୋଗ କରୁଛନ୍ତି ବୋଲି ଅହମଦାବାଦରେ ଖବରଦାତାମାନଙ୍କୁ ରାହୁଲ କହିଛନ୍ତି। କଂଗ୍ରେସ ସତ୍ୟ ପାଇଁ ଲଢ଼ୁଛି, କାରଣ ସତ୍ୟ ହିଁ ତାଙ୍କ ଦଳକୁ ମଜଭୁତ କରିବ ବୋଲି ରାହୁଲ କହିଥିଲେ।