ଲଣ୍ଡନ,୨୯।୫(ଏଏଫ୍ପି): ଦୁଇଥର ଅଲିମ୍ପିକ୍ସ ସ୍ବର୍ଣ୍ଣ ପଦକ ହାସଲ କରିଥିବା କେନିଆ ତାରକା ଧାବକ ଡେଭିଡ୍ ରୁଡିଶା ଇଞ୍ଜୁରିର ସମ୍ମୁଖୀନ ହୋଇ କ୍ରୀଡ଼ାରୁ ୧୬ ସପ୍ତାହ ବାଦ୍ ପଡିଛନ୍ତି। ବାମ ଗୋଡ଼ର ଗୋଇଠିରେ ସେ ଆଘାତ ପାଇଛନ୍ତି। ୮୦୦ ମିଟର ଦୌଡ଼ରେ ବିଶ୍ୱ ରେକର୍ଡ ସ୍ଥାପନ କରିଥିବା ୩୧ ବର୍ଷୀୟ ରୁଡିଶା ପଶ୍ଚିମ କେନିଆସ୍ଥିତ ନିଜ ଘରୋଇ ସହର କିଲଗୋରିସ୍ରେ ଆଘାତ ପାଇଥିଲେ। ଗୋଇଠିରେ ହାଡ ଭାଙ୍ଗିଥିବା ତାଙ୍କ ଡାକ୍ତର ପରୀକ୍ଷା ପରେ ସ୍ପଷ୍ଟ କରିଛନ୍ତି। ତାଙ୍କର ଅସ୍ତ୍ରୋପଚାର କରାଯାଇଛି। କିଛିଦିନ ସେ ମେଡିକାଲରେ ରହିବେ ବୋଲି ଅର୍ଥୋପେଡିକ ସର୍ଜନ ଭିକ୍ଟର ବାରଗୋରିଆ କହିଛନ୍ତି। ଏବେ ୧୬ ସପ୍ତାହ ଟ୍ରେନିଂରୁ ଦୂରେଇ ରହିବେ ବୋଲି ସେ କହିଛନ୍ତି।
୨୦୧୨ ଲଣ୍ଡନ ଅଲିମ୍ପିକ୍ସରେ ସେ ୮୦୦ ମି. ଦୌଡ଼ରେ ୧:୪୦.୯ ମିନିଟ ସମୟ ନେଇ ସ୍ବର୍ଣ୍ଣ ପଦକ ଜିତିଥିଲେ। ନିକଟରେ ସେ ଆଣ୍ଠୁରେ ମଧ୍ୟ ଅସ୍ତ୍ରୋପଚାର କରାଇଥିଲେ ଓ ସେପ୍ଟେମ୍ବରରେ ଆୟୋଜନ ହେବାକୁ ଥିବା ଦୋହା ବିଶ୍ୱ ଚାମ୍ପିୟନଶିପ୍ରୁ ବାଦ୍ ପଡିଥିଲେ। ପୁଣି ଲେଗ୍ ଇଞ୍ଜୁରି କାରଣରୁ ସେ ୨୦୧୩ ଓ ୨୦୧୪ରେ ପୂରା ବର୍ଷ ଖେଳରୁ ବାଦ୍ ପଡିଥିଲେ। ୨୦୧୬ ରିଓ ଅଲିମ୍ପିକ୍ସରେ ମଧ୍ୟ ସେ ସ୍ବର୍ଣ୍ଣ ପଦକ ହାସଲ କରିଥିଲେ।